چین میں بارہویں ورلڈ گیمز کا باقاعدہ آغاز ہو چکا ہے۔ چینگدو کے تیان فو انٹرنیشنل کنونشن سینٹر میں شاندار افتتاحی تقریب منعقد ہوئی جس میں رنگ برنگی آتش بازی اور لائٹ شو نے تقریب کی رونق بڑھائی۔ اس مقابلے میں کل 30 مختلف کھیل شامل ہیں۔
ایسے کھیل جو اولمپکس کا حصہ نہیں بن پاتے، جیسے سکواش، کک باکسنگ اور ٹگ آف وار، بھی اس ایونٹ کا حصہ ہیں۔ چین پہلی بار اس چار سالہ ورلڈ گیمز کی میزبانی کر رہا ہے۔ ورلڈ گیمز کا آغاز 1981 میں ہوا تھا۔
اس کا مقصد عالمی سطح پر ان کھیلوں کو بھی فروغ دینا ہے جو اولمپک مقابلوں میں شامل نہیں ہوتے۔























