بلوچستان سے ایران جانے والے مسافروں کے لیے خوشخبری ہے کہ کوئٹہ سے ایران کے لیے فضائی خدمات کا آغاز ہو گیا ہے۔
ایران ایئر کی پہلی پرواز 75 مسافروں کے ساتھ کوئٹہ سے زاہدان کے لیے روانہ ہو چکی ہے، اور یہ فلائٹ ہفتے میں ایک دن کوئٹہ سے آپریٹ کرے گی۔
کوئٹہ ایئرپورٹ پر ایران ایئر کی پہلی پرواز کی روانگی کی تقریب منعقد ہوئی جس میں ایرانی قونصل جنرل، ایئرپورٹ منیجر اور چیمبر کے نمائندے شریک ہوئے۔
اس سے قبل ایران ایئر کی پہلی پرواز زاہدان سے کوئٹہ پہنچی تھی۔ ایئر لائن کے مطابق یہ سروس ہر ہفتے جمعرات کے روز کوئٹہ سے چلائی جائے گی۔
