ملک میں سونے کی قیمت میں اضافے کا سلسلہ آج دوسرے روز بھی جاری رہا، اور قیمتوں میں نمایاں بڑھوتری دیکھی گئی۔
آل پاکستان جیمز اینڈ جیولرز ایسوسی ایشن کے مطابق، آج فی تولہ سونے کی قیمت میں 2 ہزار 900 روپے کا اضافہ ریکارڈ کیا گیا، جس کے بعد نئی قیمت 3 لاکھ 62 ہزار 200 روپے فی تولہ تک جا پہنچی ہے۔
اسی طرح 10 گرام سونے کی قیمت میں بھی 2 ہزار 487 روپے کا اضافہ ہوا، جس سے اس کی نئی قیمت 3 لاکھ 10 ہزار 528 روپے ہو گئی۔
عالمی سطح پر بھی سونے کی قیمتوں میں اضافہ دیکھا گیا، جہاں فی اونس سونا 29 ڈالر مہنگا ہو کر 3 ہزار 395 ڈالر تک پہنچ گیا۔
