لانڈھی کے ایکسپورٹ پروسیسنگ زون میں فیکٹری میں آتشزدگی

کراچی کے علاقے لانڈھی میں واقع ایکسپورٹ پروسیسنگ زون کی ایک فیکٹری میں اچانک آگ بھڑک اُٹھی، جس کے بعد شہر بھر سے فائر بریگیڈ کی ٹیموں کو طلب کر لیا گیا۔

ریسکیو ذرائع کے مطابق آگ کو لگے تین گھنٹے سے زائد وقت گزر چکا ہے، اور صورتحال پر قابو پانے کی کوششیں جاری ہیں۔ عمارت کا ایک حصہ منہدم ہونے کے باعث فیکٹری کے باہر کھڑے 7 افراد زخمی ہو گئے۔

فائر بریگیڈ حکام کے مطابق آگ کو مزید پھیلنے سے روک لیا گیا ہے، متاثرہ فیکٹری سے تمام ملازمین کو بحفاظت نکال لیا گیا ہے، جبکہ قریبی فیکٹریوں کو بھی احتیاطی تدابیر کے طور پر خالی کروا لیا گیا ہے۔

آگ بجھانے کے عمل میں 8 فائر ٹینڈر، 2 واٹر باؤزر اور 2 اسنارکل گاڑیاں شریک ہیں، جو آگ پر قابو پانے کی بھرپور کوشش کر رہی ہیں۔