پاکستانی گلوکارہ آئمہ بیگ نے حال ہی میں کینیڈا میں ایک میوزیکل ایونٹ کے دوران اپنے مقبول گانوں پر شاندار پرفارمنس دی، جسے مقامی مداحوں کی خوب داد ملی۔ مگر ان کے ایک مخصوص گانے پر کی گئی پرفارمنس نے سوشل میڈیا پر نئی بحث چھیڑ دی ہے۔
ایونٹ کے دوران آئمہ بیگ نے اپنے مشہور گانوں کے بعد جنوبی کوریا کی مشہور پاپ سنگر جینی کا ایک گانا بھی گایا، جس کے ساتھ کورین طرز کا رقص بھی کیا۔ ان کی یہ ادائیگی دیکھتے ہی دیکھتے سوشل میڈیا پر وائرل ہو گئی، مگر پذیرائی کے بجائے انہیں تنقید کا سامنا کرنا پڑا۔
@toronto360tv Aima Baig’s Thrilling Performance at 20th Mosaic Festival #AimaBaig #MosaicFestival2025 #concerts #gta #toronto #foryou #fyp #viraltiktok #dancechallenge #fypシ゚ #singer #fashion #song #2025 #canada_life🇨🇦 @Aima Baig
کئی صارفین نے ان کے ڈانس کو “غیر ضروری” اور “مصنوعی” قرار دیا، جبکہ کچھ نے کہا کہ وہ غیر ملکی فنکاروں کی نقل کر رہی ہیں۔ چند افراد نے تو ان کے رقص پر طنزیہ تبصرے کرتے ہوئے اسے “نامناسب” انداز قرار دیا۔
اس تمام ردعمل کے باوجود آئمہ بیگ نے اب تک اس تنقید پر کوئی وضاحت یا جواب نہیں دیا۔
واضح رہے کہ آئمہ بیگ حال ہی میں اپنے قریبی دوست زین احمد کے ساتھ کینیڈا میں ایک نجی تقریب کے دوران شادی کے بندھن میں بندھ چکی ہیں۔ اس سے قبل ان کی منگنی معروف اداکار شہباز شگری سے ہوئی تھی، جو بعد ازاں باقاعدہ اعلان کے ساتھ ختم کر دی گئی تھی۔
