پاکستانی فلم انڈسٹری میں ایک اہم قدم کے طور پر، فلم “ہم سب” 14 اگست 2025 کو نمائش کے لیے پیش کی جا رہی ہے۔
یہ فلم ہم فلمز کے بینر تلے تیار کی گئی ہے اور اے زیڈ فلم گروپس کی پروڈکشن ہے، جو پاکستان کے مختلف لسانی، نسلی اور ثقافتی پس منظر رکھنے والے لوگوں کے درمیان موجود فرق اور خلیج کو اجاگر کرتی ہے۔ فلم کا بنیادی پیغام بہت سیدھا اور مؤثر ہے: انسان کی پہچان اس کی زبان، نسل یا قومیت نہیں بلکہ اس کی انسانیت ہے۔
فلم میں سعود، ساجد حسن، علی خان، جویریہ سعود، جاوید شیخ، ازیکا ڈینیل، عدنان شاہ ٹیپو، علی جوش، جنید نیازی، فاضل حسین، نعمان حبیب، اور زوہیب خان نے اپنی اداکاری کے جوہر دکھائے ہیں۔ کہانی کے خالق ذیشان احمد ہیں، پروڈیوسر کا کردار تحسین نے ادا کیا ہے، جبکہ ایگزیکٹو پروڈیوسر کے فرائض اے زیڈ قاسمی کے پاس ہیں۔
فلم کی بصری خوبصورتی کا سہرا سنی شاہ کے سر ہے، جبکہ ایان حسین ایسوسی ایٹ ڈائریکٹر کی حیثیت سے کام کر رہے ہیں۔ پروڈکشن کے انتظامات کی نگرانی اویس شمسی کے ذریعے کی گئی ہے۔
یہ فلم 14 اگست 2025 کو ملک بھر کے سینما گھروں میں پیش کی جائے گی۔
