تازہ ترین اپ ڈیٹس | سوات سیلاب | مہوڈنڈ جھیل روڈ مکمل

تازہ ترین اپ ڈیٹس | سوات سیلاب | مہوڈنڈ جھیل روڈ مکمل | آج سوات کالام کا موسم

خبر: سوات میں مہودند جھیل تک راستہ مکمل، اب اپنی گاڑی سے سفر ممکن

سوات کے خوبصورت علاقے کلام سے مہودند جھیل تک کا راستہ مکمل ہو چکا ہے، جس کے بعد اب سیاح اپنی ذاتی گاڑیوں سے اس دلکش مقام تک آسانی سے پہنچ سکتے ہیں۔ یہ اہم خبر یوٹیوب چینل “کلام لیٹسٹ اپ ڈیٹس” نے اپنے تازہ ویڈیو میں شیئر کی۔

تفصیلات:
کلام سے مہودند جھیل تک کا 35 کلومیٹر طویل راستہ، جو پہلے کچا اور خطرناک تھا، اب کنکریٹ ہو چکا ہے۔ اس سے قبل سیاحوں کو مہوڈنڈ جھیل تک پہنچنے کے لیے مہنگے جیپس کرائے پر لینا پڑتے تھے، لیکن اب چھوٹی گاڑیاں بھی یہاں تک پہنچ سکتی ہیں۔ ویڈیو میں دکھایا گیا کہ کئی سواریاں، بشمول 660 سی سی کی چھوٹی گاڑیاں، مہودند جھیل تک کامیابی سے پہنچ چکی ہیں۔

سیاحتی رش اور موسم:
فی الحال کلام اور مہودند جھیل کے علاقوں میں زیادہ رش نہیں ہے، جس کی وجہ سے سیاح پرسکون ماحول میں قدرتی نظاروں سے لطف اندوز ہو سکتے ہیں۔ ہوٹلوں کے کمرے 4000 سے 5000 روپے میں دستیاب ہیں۔

احتیاطی تدابیر:
اگرچہ راستہ بہتر ہو چکا ہے، لیکن کچھ مقامات پر بارش کے دوران لینڈ سلائیڈنگ کا خطرہ موجود ہے۔ سیاحوں کو مشورہ دیا گیا ہے کہ وہ موسمی حالات کو مدنظر رکھتے ہوئے سفر کریں۔

نیز:
کلام کے دیگر سیاحتی مقامات جیسے بہرین، اتروڑ، اور کومرت کے راستے بھی کھلے ہیں۔ ویڈیو میں سیاحوں کو مشورہ دیا گیا کہ وہ اپنے ٹور پلان کے لیے تازہ ترین اپ ڈیٹس چیک کرتے رہیں۔
=======================

خبرنامہ نمبر5394/2025
خضدار 06 اگست 2025: پولیس کی کارروائی، 10 کلو گرام شیشہ(آئس) کے ہمراہ بین الصوبائی اسمگلر گرفتار، گاڑی قبضے میں لے لیامنشیات ناسور کے خلاف کارروائیاں تیز ہیں ایس ایس پی شہزادہ عمر عباس بابر کی قیادت میں ٹیم تشکیل دے دی ہے کسی کو بخشا نہیں جائے گا، ایس ایچ او خضدار سٹی عبداللہ پندرانی خضدار پولیس کی منشیات اسمگلروں کے خلاف کارروائی ، کوئٹہ سے کراچی اسمگلنگ کی کوشش کرنے والے ملزم سے 10 کلو گرام آئس /شیشہ برآمد کرکے کارروائی کا آغاز کردیا اس موقع پر ایس ایچ او خضدار سٹی انسپکٹر عبداللہ پندرانی نے کہا کہ مخبر خاص کے اطلاع پر کراچی کوئٹہ قومی شاہراہ کے زیروپوائنٹ کے قریب کارروائی کرتے ہوئے ایک ریوو گاڑی کے پچھلے سیٹ کے نیچے خفیہ خانوں سے سے 10 کلو گرام آئس برآمد کی گئی کاروائی کے دوران ایک ملزم کو حراست میں لیا ملزم کی شناخت محمد یوسف کے نام سے ہوئی۔مزکورہ ملزم کے خلاف مقدمہ درج کرکے کارروائی کا آغازکیا ہے آئی جی بلوچستان، ڈی آئی جی قلات رینج عبدالحمید کھوسہ اور ایس ایس پی خضدار شہزادہ عمر عباس بابرکی ہدایات پر منشیات کے خلاف ایک ٹیم تشکیل دی گئی ہے جو ہر وقت کاروائیاں عمل لارہی ہے مشیات کے خلاف عوام کے تعاون کے ساتھ کام کررہے ہیں اس موقع پر ایس ایس پی خضدار نے ایس ایچ او خضدار سٹی، سی آئی اے انچارج اور انکی ٹیم کو بہترین کارروائی کرنے پر سرٹیفیکیٹ اور نقد انعام سے نوازا اور تعریف کے ساتھ مبارکبادی کہ آزادی کے مہینے میں سیکورٹی مصروفیات کےباوجود منشیات فروشوں کے خلاف کارروائیاں کرنا قابل تعریف ہے۔

خبرنامہ نمبر5395/2025
کوئٹہ 06 اگست2025:
ایڈیشنل ڈپٹی کمشنر (جنرل) محمد انور کاکڑ کی زیر صدارت ڈسٹرکٹ کمپنسیشن کمیٹی کا اہم اجلاس منعقد ہوا۔ اجلاس میں سی ٹی ڈی، سوشل ویلفیئر اور دیگر متعلقہ اداروں کے نمائندوں نے شرکت کی۔اجلاس کے دوران تمام موصول شدہ درخواست فارموں کا تفصیل سے جائزہ لیا گیا۔ کمیٹی نے مکمل دستاویزات کے حامل اہل افراد کی درخواستیں منظور کرتے ہوئے انہیں امدادی رقوم جاری کر دی گئی۔ جبکہ جن درخواست دہندگان کی دستاویزات نامکمل تھیں، انہیں ہدایت کی گئی کہ وہ جلد از جلد اپنے کاغذات مکمل کر کے جمع کروائیں۔ نامکمل دستاویزات کی بنیاد پر بعض درخواستیں مسترد بھی کی گئی۔اس موقع پر ایڈیشنل ڈپٹی کمشنر محمد انور کاکڑ نے کہا کہ فنڈز کی تقسیم کے عمل میں شفافیت اور انصاف کو ہر صورت یقینی بنایا جائے گا تاکہ مستحق افراد تک ان کا حق بروقت پہنچ سکے۔

خبرنامہ نمبر5396/2025
اسلام آ باد 6 اگست2025: گورنر بلوچستان جعفرخان مندوخیل نے وفاقی دارالحکومت اسلام آباد میں چئیرمین سینیٹ آف پاکستان سید یوسف رضا گیلانی کے چچا زاد بھائی سید تنویر الحسن گیلانی کی وفات پر گہرے رنج ودکھ کا اظہار کیا ہے۔ اپنے ایک تعزیتی بیان میں گورنر بلوچستان جعفرخان مندوخیل نے مرحوم کی مغفرت اور لواحقین کیلئے صبرو ہمت کی دعا کی ہے۔ گورنر مندوخیل نے سوگوار خاندان کے ساتھ یکجہتی اور غمرازی کا اظہار کیا

خبرنامہ نمبر 5497/2025
اسلام آباد 6 اگست2025: گورنر بلوچستان جعفرخان مندوخیل سے وفاقی دارالحکومت اسلام آباد میں پاکستان میں تعینات سعودی عرب کے سفیر نواف بن سعید المالکی نے ملاقات کی. ملاقات کے دوران دونوں برادر اسلامی ممالک پاکستان اور سعودی عرب کے درمیان خوشگوار تعلقات اور خطے میں رونما ہونے والی معاشی و سیاسی تبدیلیوں سمیت باہمی دلچسپی کے امور پر تبادلہ خیال کیا گیا. اس موقع پر گورنر بلوچستان جعفرخان مندوخیل نے کہا کہ پاکستان اور سعودی عرب کے درمیان قریبی دوستی اور خوشگوار تعلقات پورے خطے میں دیرپا امن پر مثبت اثر ڈالتے ہیں۔ گورنر مندوخیل نے کہا کہ تاریخ گواہ ہے کہ ہر مشکل گھڑی میں سعودی عرب کا پاکستان سے خصوصی تعاون رہا ہے. انہوں نے کہا کہ ہم نے کوئٹہ کے انٹرنیشنل ایئرپورٹ سے کچھ عرصہ پہلے براہ راست عمرہ پروازوں کا باقاعدہ افتتاح کیا جس کے نتیجے میں حجاج کرام اور عمرہ کی سعادت حاصل کرنے والوں کو ہوائی سفر کے دوران آسانیاں پیدا ہوئیں. بلاشبہ براہ راست پروازوں کے اقدامات سے بلوچستان کے عوام کو بھی بڑی سہولت میسر آئی ہے. پاکستان میں تعینات سعودی عرب کے سفیر نواف بن سعید المالکی نے بلوچستان کے عوام کو کوئٹہ سے ڈائریکٹ سعودی عرب جانے کی سہولت فراہم کرنے پر گورنر بلوچستان جعفرخان مندوخیل کی ذاتی کوششوں کو سراہا اور گورنر بلوچستان کو سعودی عرب کے قومی دن پر سعودی عرب آنے کی دعوت دی