پاکستان میں سونے کی قیمتوں میں اتار چڑھاؤ کا رجحان بدستور جاری ہے اور کاروباری ہفتے کے تیسرے دن ملک بھر کی صرافہ مارکیٹوں میں سونے کی قیمتوں میں نمایاں اضافہ ریکارڈ کیا گیا ہے۔
آل پاکستان جیمز اینڈ جیولرز ایسوسی ایشن کی جانب سے جاری کردہ اعداد و شمار کے مطابق، سونے کی فی تولہ قیمت میں 1300 روپے کا اضافہ ہوا، جس کے بعد فی تولہ سونے کی نئی قیمت 3 لاکھ 59 ہزار 300 روپے مقرر کی گئی ہے۔
اسی طرح 10 گرام سونے کی قیمت میں بھی 1114 روپے کا اضافہ ہوا، جس کے بعد اس کی نئی قیمت 3 لاکھ 8 ہزار 41 روپے تک جا پہنچی۔
ایسوسی ایشن کے مطابق بین الاقوامی سطح پر بھی سونے کی قیمتوں میں اضافہ دیکھنے میں آیا ہے، جہاں فی اونس سونا 13 ڈالر مہنگا ہو کر 3366 ڈالرز پر پہنچ گیا۔
