عالمی ادارہ برائے مہاجرت (IOM) نے یمن کے ساحلی علاقے شقرہ کے قریب پیش آنے والے دلخراش کشتی حادثے پر شدید افسوس کا اظہار کیا ہے، جس میں 56 افراد کے جاں بحق ہونے کی تصدیق کی گئی ہے، جبکہ 132 افراد تاحال لاپتہ ہیں۔
حادثے کا شکار ہونے والی کشتی میں سوار تمام مسافر ایتھوپیا سے تعلق رکھتے تھے۔ جاں بحق ہونے والوں میں 14 خواتین بھی شامل ہیں، جبکہ اب تک صرف 12 مردوں کو زندہ بچایا جا سکا ہے۔
‘IOM’
کے مطابق یہ حادثہ “مشرقی مہاجرتی راستے” پر غیر قانونی ہجرت سے جڑے سنگین خطرات کی ایک اور مثال ہے۔ ادارے کا کہنا ہے کہ غیر محفوظ مہاجرین کے تحفظ کو اولین ترجیح دی جائے، اور بے قاعدہ مہاجرت کے اسباب کے تدارک کے لیے فوری، مربوط اور مؤثر اقدامات کی ضرورت ہے۔
