برطانیہ میں سمندری طوفان فلورس کی شدید ہواؤں نے معمولات زندگی کو متاثر کر دیا ہے، جب کہ ایک مسافر طیارہ بھی ان خطرناک جھکڑوں کا شکار ہوتے ہوتے بچا۔
لیڈز بریڈفورڈ ایئرپورٹ پر ایک طیارہ لینڈنگ کے دوران طوفانی ہواؤں کے سبب بری طرح ڈولنے لگا، جس کی ویڈیو سوشل میڈیا پر تیزی سے وائرل ہو رہی ہے۔ ویڈیو میں صاف دیکھا جا سکتا ہے کہ طیارہ رن وے پر اترنے کی کوشش کے دوران تیز ہواؤں کی زد میں آ کر مسلسل غیر متوازن ہو رہا ہے۔
اگرچہ لینڈنگ انتہائی مشکل مرحلہ بن چکی تھی، لیکن ماہر پائلٹ نے حاضر دماغی اور مہارت کا مظاہرہ کرتے ہوئے طیارے کو بحفاظت زمین پر اتار لیا، جس پر سوشل میڈیا صارفین بھی پائلٹ کی داد دیتے دکھائی دے رہے ہیں۔
ادھر یارکشائر، شمالی انگلینڈ، آئرلینڈ اور اسکاٹ لینڈ سمیت مختلف علاقوں میں شدید موسمی صورتحال کے باعث الرٹ جاری کر دیا گیا ہے۔ خراب موسم کے باعث کئی پروازیں اور ٹرینیں منسوخ کر دی گئی ہیں، جب کہ متعدد تقریبات بھی ملتوی کی جا چکی ہیں۔
https://x.com/fl360aero/status/1952353956187021579?ref_src=twsrc%5Etfw%7Ctwcamp%5Etweetembed%7Ctwterm%5E1952353956187021579%7Ctwgr%5E41e90fc381a1ad88bd57e16abfa3f168189b9b33%7Ctwcon%5Es1_c10&ref_url=https%3A%2F%2Fjang.com.pk%2Fnews%2F1497771
