کراچی: پہلوان گوٹھ میں فائرنگ کا واقعہ

کراچی کے علاقے پہلوان گوٹھ میں ذاتی تنازع کے دوران فائرنگ کے افسوسناک واقعے میں دو افراد جان کی بازی ہار گئے جبکہ تین دیگر زخمی ہو گئے۔

ایس ایس پی فرخ رضا کے مطابق جھگڑا شدت اختیار کرنے پر فائرنگ کی گئی، جس کے نتیجے میں پانچ افراد زخمی ہوئے۔ تمام زخمیوں کو فوری طور پر جناح اسپتال منتقل کیا گیا، جہاں دو افراد زخموں کی تاب نہ لاتے ہوئے دم توڑ گئے۔

پولیس کے مطابق واقعے کی تفتیش جاری ہے اور مزید تفصیلات جمع کی جا رہی ہیں تاکہ اصل محرکات اور ذمہ داروں کا پتہ چلایا جا سکے۔

ادھر واقعے کے بعد علاقے میں شدید کشیدگی دیکھنے میں آئی۔ مقامی افراد نے احتجاج کرتے ہوئے سڑک بند کر دی اور ملزمان کی فوری گرفتاری کا مطالبہ کیا۔ مظاہرین نے پہلوان گوٹھ کی داخلی و خارجی راستوں پر ٹریفک معطل کر دی اور قریبی دکانیں بھی بند کروا دیں۔

پولیس کا کہنا ہے کہ فائرنگ کا یہ واقعہ ذاتی دشمنی کا نتیجہ معلوم ہوتا ہے، جس میں دو افراد جاں بحق اور تین زخمی ہوئے۔