ریلوے کے ترجمان نے کوئٹہ سے پشاور جانے والی جعفر ایکسپریس پر حملے کی خبروں کو غلط قرار دیتے ہوئے وضاحت کی ہے کہ ایسی کوئی واردات پیش نہیں آئی۔
ترجمان کے مطابق، معمول کی سیکیورٹی حکمتِ عملی کے تحت ٹرین کی روانگی سے قبل ایک پائلٹ انجن بھیجا جاتا ہے تاکہ راستے کا معائنہ کیا جا سکے۔ آج صبح 10 بجے روانہ کیے گئے پائلٹ انجن پر فائرنگ کی گئی اور اس پر تین گولیاں چلائی گئیں۔
ترجمان کا کہنا تھا کہ خطرے کا احساس ہوتے ہی فوری طور پر ٹرین کو ایک محفوظ مقام پر روک دیا گیا، اور تمام مسافروں کی حفاظت کو یقینی بنایا گیا۔
بعد ازاں، سیکیورٹی اداروں کی کلیئرنس کے بعد جعفر ایکسپریس کو اس کے مقررہ سفر پر روانہ کر دیا گیا، جب کہ پائلٹ انجن بھی بحفاظت واپس پہنچ گیا۔
ریلوے ترجمان نے مزید بتایا کہ جعفر ایکسپریس مکمل طور پر محفوظ ہے اور اپنی منزل کی طرف روان دواں ہے۔
