ایران نے اسرائیل کے ساتھ جنگ بندی کے بعد اپنی فضائی حدود آج سے مکمل طور پر کھولنے کا فیصلہ کر لیا ہے۔
غیر ملکی ذرائع کے مطابق ایرانی سول ایوی ایشن آرگنائزیشن (CAO) نے 12 روز تک جاری رہنے والی اسرائیل کے ساتھ کشیدگی کے بعد فضائی سرحدیں مکمل طور پر دوبارہ فعال کرنے کا اعلان کیا ہے۔
اعلامیے میں کہا گیا ہے کہ اب ملکی اور بین الاقوامی پروازوں کا معمول کے مطابق آغاز ہو چکا ہے۔ مزید برآں، مہرآباد ایئرپورٹ کو بھی پروازوں کے لیے مکمل طور پر فعال کر دیا گیا ہے۔
