انسٹاگرام نے ایک نیا اصول متعارف کراتے ہوئے ان صارفین کو لائیو اسٹریمنگ کی سہولت سے محروم کر دیا ہے جن کے فالوورز کی تعداد ایک ہزار سے کم ہے۔
اس سے قبل پلیٹ فارم پر تمام صارفین کو بغیر کسی حد کے لائیو ویڈیو نشر کرنے کی اجازت تھی، لیکن اب یہ آپشن صرف ان صارفین کو دستیاب ہوگا جن کے اکاؤنٹ پر کم از کم 1000 فالوورز ہوں۔
نئے قانون کے اطلاق کے بعد جیسے ہی کوئی کم فالوور والا صارف لائیو جانے کی کوشش کرے گا، تو ایک پیغام ظاہر ہوگا جس میں یہ بتایا جائے گا کہ وہ لائیو ویڈیو کے لیے اہل نہیں ہیں۔ ساتھ ہی یہ بھی درج ہوگا کہ انسٹاگرام نے لائیو اسٹریمنگ کی پالیسی میں تبدیلی کر دی ہے۔
یہ قدم چھوٹے یا نئے اکاؤنٹس کے لیے کسی حد تک مایوس کن ہو سکتا ہے، خاص طور پر اُن افراد کے لیے جو انسٹاگرام پر اپنے ناظرین سے براہِ راست رابطے کا ذریعہ تلاش کر رہے تھے۔
