کراچی کے علاقے کورنگی میں دو دن پہلے پیش آنے والے کیش وین ڈکیتی کے واقعے میں ملوث دو ملزمان کو پولیس نے گرفتار کر لیا ہے۔
ایس ایس پی کورنگی طارق نواز کے مطابق ملزمان نے تقریباً 97 لاکھ روپے لوٹے تھے جن میں سے پولیس نے 35 لاکھ روپے بازیاب کر لیے ہیں۔
گرفتار شدگان کے قبضے سے 12 موبائل فونز اور 2 پستول بھی برآمد ہوئے ہیں، جبکہ ان کے خلاف پہلے بھی مقدمات درج ہیں۔
ایس ایس پی طارق نواز نے مزید کہا کہ باقی مفرور ملزمان کی گرفتاری کے لیے چھاپے اور تفتیشی کارروائیاں جاری ہیں۔
