فواد خان کی گلوکاری میں واپسی، نیا گانا ریلیز

پاکستانی شوبز انڈسٹری کے مشہور اداکار فواد خان نے موسیقی کے شعبے میں ایک بار پھر اپنی موجودگی کا اعلان کر دیا ہے۔

انسٹاگرام پر مداحوں کے ساتھ شیئر کی گئی پوسٹ میں فواد خان نے خوشخبری دی کہ وہ اپنے نئے گانے ’پروانا‘ کے ذریعے دوبارہ گلوکاری کے میدان میں لوٹ رہے ہیں۔
یہ نیا گانا گزشتہ روز یوٹیوب پر ریلیز کیا گیا، جس نے تیزی سے ناظرین اور مداحوں کی توجہ حاصل کی ہے۔
شائقین نے فواد خان کی موسیقی میں واپسی کو بے حد پسند کیا اور ان کے نئے گانے کو خوب سراہا جا رہا ہے۔