پاک امریکا تجارتی معاہدے کے بعد پاکستان اسٹاک ایکسچینج میں جمعرات کو زبردست بہتری دیکھنے میں آئی، جس کے نتیجے میں 100 انڈیکس دوبارہ 1 لاکھ 40 ہزار کی سطح عبور کر گیا۔ کاروباری روز کے دوران مارکیٹ میں 100 انڈیکس میں 1,641 پوائنٹس کا نمایاں اضافہ ریکارڈ کیا گیا، جس سے انڈیکس 140,053 پوائنٹس پر پہنچ گیا۔ آج کی ٹریڈنگ میں انڈیکس نے 140,215 کی بلند ترین سطح بھی چھوئی۔ یاد رہے کہ گزشتہ روز کاروبار کا اختتام 138,412 پوائنٹس پر ہوا تھا۔
