برطانیہ میں ایئر ٹریفک کنٹرول سسٹم میں وقتی خلل کے باعث ملک بھر کے ہوائی اڈوں پر پروازوں کا شیڈول شدید متاثر ہوا۔
لندن سے موصولہ اطلاعات کے مطابق برمنگھم، مانچسٹر، لیورپول اور لوٹن سمیت کئی اہم ایئرپورٹس پر طیاروں کی روانگی عارضی طور پر روک دی گئی، جس کے نتیجے میں مسافروں کو تاخیر اور پریشانی کا سامنا کرنا پڑا۔
رپورٹس کے مطابق تکنیکی مسئلے کو کچھ وقت بعد دور کر لیا گیا، اور ایئر ٹریفک کنٹرول کے معمولات بحال ہونے پر برطانیہ کی فضائی اتھارٹی نے ملک بھر میں پروازوں کی روانگی دوبارہ شروع ہونے کا اعلان کر دیا۔
