شادی میں جانیوالے خاندان کی گاڑی سیلابی ریلے میں بہہ گئی، 2 خواتین جاں بحق، 5 افراد ریسکیو

ڈی سی اٹک راؤ عاطف کے مطابق اٹک میں سیلابی پانی میں بہہ جانے والی گاڑی میں 10 افراد سوار تھے۔

ڈی سی اٹک نے بتایا کہ واقعے کے بعد ریسکیو آپریشن شروع کردیا گیا ہے جس میں 5 افراد کو بحفاظت نکال لیا گیا ہے جب کہ لاپتا ہونے والے دیگر 5 افراد میں سے 2 خواتین کی لاشیں نکالی گئی ہیں۔

راؤ عاطف نے بتایا کہ متاثرہ خاندان شادی میں شرکت کے لیے گیاتھا کہ سیلابی ریلے میں گاڑی بہہ گئی، لاپتا ہونے والے 3 افراد کی تلاش کے لیے امدادی کارروائیاں جاری ہیں۔
=======================

مانچسٹر ایئرپورٹ پر جھگڑا، محمد فاہر عماز کو مجرم قرار دے دیا گیا
ایک سال قبل مانچسٹر ایئرپورٹ پر لڑائی کے واقعہ میں محمد فاہر عماز کو دو خاتون پولیس افسران پر حملے کا مجرم قرار دے دیا گیا۔

لندن سے میڈیا رپورٹ کے مطابق جیوری مرد پولیس آفیسر پر حملے کے الزام پر کسی فیصلے پر نہ پہنچ سکی، ایئرپورٹ پر فاہر عماز کی والدہ کو ایک شخص نے گالیاں دی تھیں۔

میڈیا رپورٹ کے مطابق فاہر عماز نے گالیاں دینے والے کو روک کر معافی مانگنے کا مطالبہ کیا تو لڑائی ہوئی۔ گالیاں دینے والے شخص نے عماز کو دھمکیاں دی اور لڑائی کے بعد پولیس طلب کی۔

میڈیا رپورٹ کے مطابق عماز نے گرفتاری سے بچنے کیلئے مزاحمت کی، اس کے بھائی عماد نے افسران پر تشدد کیا۔

واضح رہے کہ مانچسٹر ایئرپورٹ پر لڑائی کا یہ واقعہ گزشتہ سال 23 جولائی کو ٹرمنل ٹو پر پیش آیا تھا۔