کراچی میں دو روز قبل ہونے والے جوڑے کے اندوہناک قتل کے کیس میں اہم پیش رفت سامنے آئی ہے۔ پولیس نے گوجرانوالہ سے تعلق رکھنے والے 11 افراد کو حراست میں لے لیا ہے، جن میں مقتولہ کا بھائی بھی شامل ہے۔
ڈی آئی جی ساؤتھ اسد رضا کے مطابق مقتولہ کی فیملی کو تفتیش کا حصہ بنایا گیا ہے تاکہ واقعے کی تہہ تک پہنچا جا سکے۔ ان کا مزید کہنا تھا کہ مقتول ساجد کے والد نے پانچ افراد کو قتل میں ملوث قرار دینے کی درخواست کی ہے۔
واقعے کا مقدمہ بوٹ بیسن تھانے میں نامعلوم افراد کے خلاف درج کیا گیا ہے۔
یاد رہے کہ دو روز قبل کراچی کے علاقے کلفٹن میں چائنا پورٹ کے قریب جھاڑیوں سے ایک مرد اور ایک خاتون کی لاشیں برآمد ہوئی تھیں۔ ابتدائی رپورٹ کے مطابق دونوں کو سر میں گولیاں مار کر قتل کیا گیا تھا۔
