اے آر وائی ڈیجیٹل کا سپر ہٹ ڈراما “پرورش” ان دنوں ہر کسی کا پسندیدہ بن چکا ہے، اور اس ہفتے کی دونوں اقساط نے بھی شائقین سے خوب داد سمیٹی ہے۔ تاہم، اسی دوران ایک دلچسپ پہلو سامنے آیا ہے جس نے سب کی توجہ اپنی طرف کھینچ لی ہے۔
اگرچہ ڈراما ہر لحاظ سے پسند کیا جا رہا ہے، لیکن ایک سین میں فہد مصطفیٰ کا ذکر ہونا مداحوں کے لیے حیرت کا باعث بن گیا۔ سوشل میڈیا پر یہ بحث چھڑ گئی ہے کہ کیا واقعی فہد مصطفیٰ اس ڈرامے میں کیمیو کرنے والے ہیں؟
اگر ایسا ہوا تو مداحوں کے لیے یہ ایک بڑی خوش خبری ہوگی، کیونکہ ایک شاندار ڈراما جو پہلے ہی مقبولیت کی بلندیوں پر ہے، اس میں فہد مصطفیٰ کی انٹری اس کی مقبولیت کو دوگنا کر دے گی۔ اب دیکھنا یہ ہے کہ یہ محض تذکرہ تھا یا واقعی فہد مصطفیٰ کسی سرپرائز انٹری کے ساتھ جلوہ گر ہونے والے ہیں۔
