پاکستان اسٹاک ایکسچینج (PSX) میں ہفتے کے تیسرے دن کاروبار کا آغاز مثبت انداز میں ہوا، جہاں سرمایہ کاروں کی دلچسپی سے مارکیٹ میں تیزی دیکھی گئی۔
ٹریڈنگ کے دوران 100 انڈیکس میں 1,640 پوائنٹس کا اضافہ ریکارڈ کیا گیا، جس کے بعد انڈیکس 138,605 پوائنٹس کی سطح پر پہنچ گیا۔ دن کے دوران انڈیکس 138,712 پوائنٹس کی بلند ترین سطح کو بھی چھو چکا ہے۔
یہ بھی قابل ذکر ہے کہ گزشتہ روز کاروبار کا آغاز بہتری کے ساتھ ہوا تھا، تاہم دن کے اختتام پر مارکیٹ مندی کا شکار ہو گئی تھی اور 100 انڈیکس 137,964 پوائنٹس پر بند ہوا تھا۔
