مشہور امریکی گلوکارہ آریانا گرانڈے بھی ان عالمی شخصیات کی صف میں شامل ہو گئی ہیں جو غزہ میں اسرائیل کی جارحیت اور انسانی امداد کی بندش پر اپنی تشویش کا اظہار کر رہی ہیں۔
آریانا نے انسٹاگرام اسٹوری پر ایک پوسٹ شیئر کی جس میں غزہ میں انسانی بنیادوں پر امداد کی فراہمی پر عائد پابندیوں کی مخالفت کی گئی ہے۔
اس پوسٹ میں واضح کیا گیا کہ “لوگوں کو بھوک سے مرنے دینا ایک ایسی حد ہے جسے کبھی پار نہیں کرنا چاہیے، مگر اسرائیلی حکومت یہ حد کھلم کھلا عبور کر رہی ہے۔”
پوسٹ میں یہ بھی سوال اٹھایا گیا: “جب انسانیت بھوک سے مر رہی تھی تو ہم نے کیا اقدام کیا؟” اور فوری طور پر غزہ تک امداد پہنچانے کا مطالبہ کیا گیا۔
آریانا کا یہ ردعمل ایسے وقت میں سامنے آیا ہے جب دنیا بھر سے اسرائیل پر دباؤ بڑھ رہا ہے کہ وہ غزہ میں محصور افراد کو انسانی امداد کی فراہمی کی اجازت دے۔
