محکمہ موسمیات نے پیشگوئی کی ہے کہ کراچی میں آئندہ 24 گھنٹوں کے دوران آسمان جزوی طور پر ابر آلود رہے گا، جب کہ شہر میں تیز ہواؤں کے چلنے کا بھی امکان ہے۔
رپورٹ کے مطابق صبح اور رات کے اوقات میں شہر کے مختلف علاقوں میں ہلکی بارش یا بوندا باندی ہو سکتی ہے۔
موسم کا حال بتانے والے ادارے کے مطابق زیادہ سے زیادہ درجہ حرارت 32 سے 34 ڈگری سینٹی گریڈ کے درمیان رہنے کا امکان ہے، جب کہ کم سے کم درجہ حرارت 28.2 ڈگری سینٹی گریڈ ریکارڈ کیا گیا ہے۔
مزید بتایا گیا ہے کہ اس وقت کراچی میں سمندر سے آنے والی ہوائیں 18 کلومیٹر فی گھنٹہ کی رفتار سے چل رہی ہیں، جب کہ ہوا میں نمی کا تناسب 78 فیصد ہے، جس کے باعث موسم مرطوب اور قدرے گرم محسوس ہو رہا ہے۔
