شوبز انڈسٹری کے نامور اداکار ہمایوں سعید کی سالگرہ کراچی میں ایک خوبصورت اور یادگار تقریب کے دوران منائی گئی۔
تقریب میں شوبز، سفارتی حلقوں اور قریبی دوستوں کی بڑی تعداد نے شرکت کی اور اپنی موجودگی سے محفل کو چار چاند لگا دیے۔
شرکاء نے ہمایوں سعید کی مقبول فلموں اور ڈراموں کو خراج تحسین پیش کیا اور ان کے فنی سفر کو سراہتے ہوئے سالگرہ کا کیک کاٹا۔
تقریب میں لیجنڈری اداکار مصطفی قریشی، سینئر فنکار بہروز سبزواری، یاسر حسین، جاوید شیخ، عدنان صدیقی اور مشہور اداکارہ سونیا حسین سمیت کئی نمایاں شخصیات شریک تھیں۔
