گلگت بلتستان کے علاقے مینار کے مقام پر دریائے سندھ سے ایک خاتون کی لاش برآمد ہوئی ہے۔
جی بی حکومت کے ترجمان فیض اللہ فراق کا کہنا ہے کہ یہ لاش ممکنہ طور پر بابوسر روڈ پر سیلاب میں بہہ جانے والے افراد میں سے کسی کی ہو سکتی ہے۔
ترجمان کے مطابق حالیہ بارشوں اور سیلاب کے باعث گلگت بلتستان میں جاں بحق افراد کی تعداد 10 ہو چکی ہے۔ فیری میڈوز میں پھنسے تمام سیاحوں کو بحفاظت نکال لیا گیا ہے جبکہ شاہراہ ریشم کو ہر قسم کی ٹریفک کے لیے کھول دیا گیا ہے۔
فیض اللہ فراق نے بتایا کہ حالیہ سیلاب سے گلگت بلتستان میں 20 ارب روپے سے زائد کا مالی نقصان ہوا ہے، اور انہوں نے وفاقی حکومت سے مطالبہ کیا ہے کہ نقصانات کے ازالے کے لیے فوری طور پر مالی گرانٹ کا اعلان کیا جائے۔
