امریکی شہر ڈینور میں ایک طیارے میں اچانک دھواں اور آگ لگنے کے باعث مسافروں کو فوری طور پر طیارے سے باہر نکالنا پڑا۔ حکام کے مطابق بوئنگ 737 طیارے کے لینڈنگ گیئر میں خرابی کے باعث دھواں اٹھا، جس پر عملے نے مسافروں کو ایمرجنسی سلائیڈ کے ذریعے طیارے سے اتار دیا۔ فائر بریگیڈ نے موقع پر پہنچ کر آگ پر قابو پایا۔ یہ واقعہ طیارے کے پرواز کرنے سے قبل پیش آیا، اور جہاز میں موجود 173 افراد میں سے کسی کو کوئی نقصان نہیں پہنچا۔
