احوال ایک اسلامی پکنک پارٹی کا
نمازوں، دعا¶ں، بیانات، درود شریف کا ورد اور خواتین کے درس کا اہتمام
بزرگ افراد کے لیے فرحت بخش اور صحت مند تفریح ضروری ہے
دو عالمی نوعیت کے پھول پودوں سے مزین پارکوں میں وقت گزاری
مسرور احمد مسرور
============
ہم نے گزشتہ سال بھوپال میں کئی پکنک پارٹیوں میں شرکت کی، پھر حالیہ چند مہینوں میں برٹش کولمبیا کے کئی سیاحتی مقامات پر پکنک کے لیے جانے کا اتفاق ہوا لیکن ایک دن پہلے گلفرڈ اسلامک کلچر سینٹر کی جانب سے منعقد ہونے والی پکنک پارٹی اپنی نوعیت کی ایک منفرد انداز کی پارٹی تھی جس میں بزرگ مرد و خواتین جن کی عمریں55 سال سے زیادہ تھیں، انھیں شرکت کی دعوت دی گئی تھی، اس پکنک پارٹی کے لیے 50 کے قریب بزرگ جوڑوں نے رجسٹریشن کروائی۔ ایسوسی ایشن کی طرف سے ایک بڑی جدید قسم کی بس کا انتظام کیا گیا تھا جس میں تمام لوگ بہت سہولت کے ساتھ اپنی اپنی نشستوں پر تشریف فرما رہے، گلفرڈ اسلامی کلچرل ایسوسی ایشن کے ڈائریکٹر عمار زیدی اور مسجد کے امام صاحب شیخ جنید قاضی تمام بزرگ مہمانوں کو خوش آمدید کہہ رہے تھے اس پکنک پارٹی کو منظم طریقے سے ہوسٹ کرنے کی ذمے داری ایک نوجوان حارث کی تھی، جو نہایت احسن طریقے اپنی ذمے داریاں انجام دے رہے تھے پکنک پارٹی کی بس نے سفر کا آغاز کیا تو مسجد کے امام صاحب نے سفر کے لیے کی جانے والی دعا پڑھنی شروع کی اور اس کے بعد بھی دعائیں پڑھنے کا سلسلہ جاری رکھا یہ سب دیکھ کر ہمیں اپنے حج کا زمانہ یاد آ گیا جب بس میں بیٹھ کر دعا¶ں کا سلسلہ اور لبیک کی صدائیں بلند کی جاتی تھیں وہ ایک بہت بڑا دینی فریضہ تھا، بہرحال اس سفر کے دوران بھی کچھ ایسا ماحول نظر آیا پکنک پارٹی کا پہلا ٹھہر اﺅ Vandusen بوٹانیکل گارڈن تھا یہ بلاشبہ ایک ہر لحاظ سے دیکھنے کے قابل گارڈن ہے یہ خوب صورت اور حیرت انگیز گارڈن وینکور کے وسط میں واقع ہے جو 55 ایکڑ پر قائم ہے اور جس میں 7500 سے زیادہ پودوں اور درختوں کی اقسام ہیں جن میں دنیا بھر سے لائے گئے پودے بھی بڑی تعداد میں شامل ہیں اس کے علاوہ یہاں فن پارے خوب صورت تالاب گھومتی پھرتی پگڈنڈیاں اور پھولوں کی بھول بھلیاں کا ایک اسپاٹ بھی دیکھنے کے قابل ہے ہر لحاظ سے ایک خوب صورت گارڈن ہے اس گارڈن کا رقبہ 22 ہیکڑ یا 55 ایکڑ ہے جو 30 اگست 1975 کو قائم ہوا اور اب اگلے مہینے اس گارڈن کو قائم ہوئے 50 سال مکمل ہو جائیں گے اور اس موقع پر زبردست تقریبات منعقد ہوں گی۔
بزرگ شہریوں کو پودوں سے متعارف کروانے کا مقصد بہت واضح تھا کیونکہ پودے انسانی زندگی کے بہت اہمیت کے حامل ہیں بلکہ زمین کے ماحولیاتی نظام کو بھی متوازن رکھتے ہیں یہ پودے آکسیجن خارج کرتے ہیں جو انسانی سانس اور زندگی کے لیے بنیادی ضرورت ہے پودوں اور انسانوں کا آپس میں زندگی کا رشتہ ہے۔
یہ پودے، پھل، سبزیاں، اناج اور خشک میوہ جات کی پیداوار کے ذمے دار ہوتے ہیں جو ہماری بنیادی غذائی ضرورت پوری کرتے ہیں۔
کئی اہم دوائیں اور جڑی بوٹیاں پودوں سے حاصل ہوتی ہیں اور سب سے بڑی بات یہ کہ سبز ماحول اور پودوں کے قریب رہنا ذہنی سکون اور خوشی حاصل ہوتی ہے ہم نے اس پکنک پارٹی میں سینئر سٹیزن کے طور پر شرکت کے علاوہ ایک مبصر کی حیثیت سے بھی شرکت کی، ہم نے بزرگ مرد و حضرات کو پودوں کو اپنے قریب پا کر بہت زیادہ خوش دیکھا اور یقینا پرسکون بھی۔
بہرحال انواع و اقسام کے پودوں سے ملنے والی خوشی کو لے کر پکنک کے اگلے پڑا¶ کوئین ایلزبتھ پارک کی جانب بڑھے جہاں پہنچ کر سب سے پہلے ظہر کی نماز کا اہتمام کیا گیا اور اس پکنک پارٹی میں شامل شیخ جنید قاضی صاحب نے امامت فرمائی اور دعا فرمانے کے بعد اللہ کی بڑائی کے بول ادا کیے اور لوگوں کو اسلام کے راستے پر چلنے کی تلقین کی۔ انھوں نے کہا کہ قرآن و سنت کی روشنی میں اسلامی تعلیمات پر عمل کریں جس سے اللہ بھی خوش ہوگا اور آخرت بھی سنور جائے گی۔ نماز کے بعد پکنک پارٹی کے بزرگ شرکا کے لیے بہت ہی اچھا انتظام کیا گیا تھا جس کی سب نے ہی بڑی تعریف کی۔
بس میں دوران سفر حارث نے بسکٹ، چپس اور جوسز پلا کر بزرگ لوگوں کو خوش رکھنے کا پورا سامان کیا۔
کوئین ایلزبتھ پارک بھی ایک شان دار پارک مانا جاتا ہے اور بہت وسیع رقبے پر قائم ہے۔ یہ برٹش کولمبیا کا وسیع رقبے پر پھیلا پارک ہے جو 133 ایکڑ پر قائم ہے اور بلند ترین چوٹی پر واقع ہے۔
اس کی بلندی 125 سے 152 میٹر تک بتائی جاتی ہے۔ یہاں پودوں اور پرندوں کی اچھی خاصی تعداد موجود ہے، ہر پودے اور پرندے کی اپنی ایک الگ خصوصیت ہے۔ اس پارک کی بلندی سے شہر کا خوبصورت نظارہ بھی کیا جاسکتا ہے۔ پکنک پارٹی میں شریک بڑی عمر کے لوگوں نے دونوں پارکوں میں پھل، پھول، پودے اور پرندے دیکھ کر خوشی کا اظہار کیا اور تصاویر کھینچنے کا سلسلہ جاری رکھا۔
اس پکنک پارٹی کو میں نے اسلامی پکنک پارٹی اس لیے قرار دیا کہ بس میں دعا¶ں کا سلسلہ جاری رہا، ظہر کی باجماعت نماز ادا کی گئی، امام صاحب نے بیان بھی فرمایا اور آخر میں خواتین نے بھی اپنے گروپ میں درس قرآن بھی دیا۔ یہ پکنک پارٹی اسلامی ہونے کے ساتھ ساتھ فر حت بخش اور صحت مند تفریح کا باعث بھی رہی یعنی پکنک کی پکنک، ثواب کا ثواب۔
کوئین ایلزبتھ پارک میں ظہرانے کے بعد پکنک میں شریک گلفرڈ مصلے کے امام جناب جنید قاضی جو یہاں 2018 سے امامت کے فرائض انجام دے رہے ہیں اور جن کا تعلق بھارت کے شہر صورت سے ہے البتہ ان کی پیدائش ٹورانٹو کی ہے اسکول کی تعلیم کے بعد سا¶تھ افریقہ میں تعلیم کا سلسلہ جاری رکھا وہیں سے عالم کی سند حاصل کی نے مختصر بات چیت کے دوران بتایا کہ وہ مصلے میں امامت کے ساتھ ساتھ مدرسے کے پرنسپل کی حیثیت سے بھی ذمے داریاں انجام دے رہے ہیں۔ مسجد کے حوالے سے انھوں نے بتایا کہ اس مصلے کو کرائے پر حاصل کیا گیا ہے البتہ مسجد کے لیے ایک وسیع جگہ حاصل کی گئی ہے جس کی مجموعی قیمت8.5 ملین ڈالر ہے جس کے لیے فنڈز کے حصول کا سلسلہ جاری ہے اور اب تک 4.5 ملین ڈالرز کی ادائیگی کی جا چکی ہے۔ اگلے سال تک ایک ملین ادا کر دیے جائیں گے اور 2028 تک باقی 3 ملین کی رقم بھی ادا کر دی جائے گی۔ اس طرح کرائے کے بجائے اپنی مسجد قائم ہو جائے گی۔ انھوں نے بتایا کہ مدرسے میں اس وقت 130 بچے قرآن پڑھ رہے ہیں اور 9 اساتذہ بچوں کو قرآن پاک پڑھانے اور ایک استاد بچوں کو حفظ کرانے کے لیے مقرر ہے۔ 9 اساتذہ میں 5 خواتین بھی شامل ہیں، اس مدرسے کا نام مدرسہ ابن مسعود ہے اور اس وقت بھی 10 بچے قرآن حفظ کر رہے ہیں۔ انھوں نے بتایا کہ گلفرڈ کلچرل ایسوسی ایشن مساجد میں نمازوں کے اہتمام اور قرآن کی تعلیمات دینے کے ساتھ ساتھ مسلم کمیونٹی کو آپس میں جوڑنے اور دیگر سماجی مسائل کی جانب بھی توجہ دیتی ہے۔
اس پکنک پارٹی کے انعقاد کا مقصد بیان کرتے ہوئے انھوں نے بتایا کہ ہمارے بزرگ لوگ زیادہ تر گھر میں رہتے ہیں اس لیے انھیں گھر سے باہر نکال کر تفریح کے لیے لے جانے کا مقصد صرف یہی ہے کہ وہ بھی کھلی فضا میں سانس لیں اور قدرت کی خوب صورتی کو انجوائے کریں جس طرح ہمیں اپنے والدین کی خدمت کرنے کا حکم ہے اسی طرح ہمیں اپنے بزرگوں کے ساتھ بھی احترام کا رشتہ قائم رکھنا چاہیے۔ یہ ہمارے معاشرے کا بہت قیمتی اثاثہ ہیں۔ امام شیخ جنید قاضی نے بتایا کہ ہم ہر سال تین بار بزرگوں کے لیے ایسی پکنک پارٹیوں کا اہتمام کرتے ہیں البتہ یہ اس سال کی پہلی بزرگ پکنک پارٹی ہے اور اگلے چند مہینوں میں دو ایسی پکنک پارٹیاں اور منعقد کی جائیں گی۔
