ملک کے بالائی علاقوں میں بارش، دیگر حصوں میں گرمی اور حبس برقرار

موسم
جمعرات کے روز کشمیر، خیبر پختونخواہ، بالائی /وسطی پنجاب،گلگت بلتستان اور شمال مشرقی بلوچستان میں چند مقامات پر تیز ہواؤں اور گرج چمک کے ساتھ بارش کا امکان ۔ اس دوران بالائی خیبرپختونخوامیں چند مقامات پر موسلادھار بارش ہو سکتی ہے۔ ملک کے دیگر علاقوں میں موسم گرم اور مرطوب رہنے کی توقع۔
جمعه کے روز ملک کے بیشتر علاقوں میں موسم گرم اور مرطوب رہنے کا امکان۔تاہم گلگت بلتستان، بالائی خیبر پختونخواہ، شمال مشرقی پنجاب اور کشمیر میں چند مقامات پر تیز ہواؤں اور گرج چمک کے ساتھ بارش کا امکان ۔
گذشتہ 24 گھنٹے کا موسم اسلام آباد، بالائی/وسطی پنجاب، کشمیر ، خیبر پختونخوا اور گلگت بلتستان میں تیزہواؤں اور گرج چمک کے ساتھ بارش جبکہ چند مقامات پر موسلا دھار بارش بھی ہوئی ۔ ملک کے دیگرعلاقوں میں موسم گرم اور مرطوب رہا۔
سب سے زیادہ بارش (ملی میٹر): پنجاب: سرگودھا (سٹی 69، پی اے ایف بیس 41)، نور پور تھل 59، منڈی بہاؤالدین 50، حافظ آباد 44، شیخوپورہ 32، نارووال 31، سیالکوٹ سٹی، جوہر آباد 20، جہلم 19، چکوال 17، اٹک، مری 08،گوجرانوالہ 06،شورکوٹ 05، منگلا، ٹوبہ ٹیک سنگھ، گجرات 04، لاہور (ایئرپورٹ 03، سٹی 01)، کوٹ ادو 03، راولپنڈی (چکلالہ 02)، سیالکوٹ، ڈیرہ غازی خان، کامرہ 02، اسلام آباد ایئرپورٹ 01، لیہ 01،خیبر پختونخوا: مردان 68، پشاور (ایئرپورٹ 15، سٹی 01)، لوئر دیر، کاکول 04، دیر، بالاکوٹ، پٹن، کالام، سیدو شریف، مالم جبہ، بنوں 01،بلوچستان: بار کھان 29، سبی 04، کشمیر: کوٹلی 29، گڑھی دوپٹہ 06، راولاکوٹ 03،گلگت بلتستان: گلگت 05، سکردو اور چلاس میں 04 ملی میٹر بارش ریکارڈ کی گئی۔
گذشتہ روز ریکارڈ کئے گئے زیادہ سےزیادہ درجہ حرارت : دالبندین 46، نوکنڈی 45 اور دادو میں43سینٹی گریڈ ریکارڈ کیا گیا۔
بدھ (رات): اسلام آباد اور گردونواح میں مطلع جزوی ابر آلود رہنے کے علاوہ تیز ہواؤں اور گرج چمک کے ساتھ بارش متوقع۔ اس دوران تیز /موسلادھار بارش کی بھی توقع۔
جمعرات کے روز: اسلام آباد اور گردونواح میں مطلع جزوی ابر آلود رہنے کے علاوہ تیز ہواؤں اور گرج چمک کے ساتھ بارش متوقع۔ اس دوران تیز /موسلادھار بارش کی بھی توقع۔