پاکستان میں سیلاب کا الرٹ! | موسلا دھار بارش کی وجہ سے ایمرجنسی-اسلام آباد میں طوفانی بارش
پاکستان میں سیلاب کا الرٹ! | موسلا دھار بارش کی وجہ سے ایمرجنسی-اسلام آباد میں طوفانی بارش
Pakistan Flood Alert! | Heavy Rainfall Causes Emergency | 3PM Headlines | Thunderstorm In Islamabad
======================
مصطفیٰ عامر قتل کیس سماعت کیلئے ٹرائل کورٹ منتقل
کراچی کے علاقے ڈیفنس میں پیش آنے والے مصطفیٰ عامر کے قتل کا کیس مزید سماعت کے لیے ٹرائل کورٹ منتقل کردیا گیا ہے۔
انسدادِ دہشتگردی کی عدالتوں کے منتظم جج نے کیس کا چالان منظور کر لیا، چالان میں کہا گیا کہ ملزم ارمغان نے مصطفیٰ عامر کو تشدد کرکے زخمی اور گاڑی میں آگ لگا کر قتل کرنے کا اعتراف کیا ہے۔
پولیس کے مطابق مصطفیٰ عامر کے اغواء کا مقدمہ مقتول کی والدہ کی مدعیت میں درج ہے۔
یاد رہے کہ مصطفیٰ عامر کو 6 جنوری کو ملزم ارمغان نے قتل کر دیا تھا، مصطفیٰ عامر قتل کیس کے ملزم ارمغان اور شیراز گرفتار ہیں۔
==================
نائب وزیراعظم اسحاق ڈار اگلے ہفتے امریکا کا دورہ کریں گے: دفتر خارجہ
ترجمان دفتر خارجہ کے مطابق نائب وزیراعظم وزیر خارجہ اسحاق ڈار اگلے ہفتے امریکا کا دورہ کریں گے۔
ایک بیان میں ترجمان دفتر خارجہ نے کہا کہ نائب وزیر اعظم اقوام متحدہ میں اعلیٰ سطح کے مباحثے کی صدارت کریں گے، سلامتی کونسل کے مشرق وسطیٰ کی صورتحال پر سہ ماہی مباحثے کی صدارت بھی کریں گے۔
انہوں نے کہا کہ او آئی سی اور اقوام متحدہ کے تعاون پر سلامتی کونسل میں اعلیٰ سطح کی بریفنگ کی صدارت بھی کریں گے، اسحاق ڈار فلسطین کے مسئلے کے پُرامن حل اور دو ریاستی حل سے متعلق عالمی کانفرنس میں شرکت کریں گے۔
ترجمان دفتر خارجہ کا کہنا تھا کہ دورے کے دوران اقوام متحدہ حکام اور مختلف وزرائے خارجہ سے دوطرفہ ملاقاتیں بھی ہوں گی، یہ دورہ پاکستان کے بڑھتے ہوئے عالمی کردار اور امریکا سے وسیع تعلقات کی عکاسی کرتا ہے۔
ان کا یہ بھی کہنا تھا کہ پاکستان کی فلسطینی عوام کے حق خودارادیت کی مسلسل حمایت کا اعادہ کیا جائے گا۔
===================
پنجاب میں بارشوں کے دوران 119 اموات ہوئیں، رضوان نصیر
سیکریٹری ایمرجنسی سروسز پنجاب رضوان نصیر نے کہا ہے کہ پنجاب میں بارشوں کے دوران 119 اموات ہوئیں۔
لاہور میں میڈیا سے گفتگو کرتے ہوئے رضوان نصیر نے کہا کہ انتظامیہ اور ریسکیو نے بروقت نکاسی آب کو یقینی بنایا، بارشوں سے ہونے والے نقصانات کا تخمینہ لگایا جارہا ہے۔
رضوان نصیر نے کہا کہ پی ڈی ایم اے کے ساتھ مل کر صورتحال کو کنٹرول کر رہے ہیں، بچوں کو محفوظ رکھیں اور گھروں کی چھتوں کو ضرور چیک کریں۔
انہوں نے کہا کہ وزیراعلیٰ پنجاب کی ہدایات پر پورے پنجاب میں ریسکیو آپریشن جاری ہے، موسیماتی تبدیلی دنیا کیلئے چیلنج ہے۔
ان کا مزید کہنا تھا کہ 2005 کے زلزلے میں ہمارے پاس کوئی نظام نہیں تھا، باہر سے ٹیمیں آئی تھیں، آج ہمارے تمام اضلاع میں مشینری اور تربیت یافتہ عملہ موجود ہے۔
