بالی ووڈ کے معروف اداکار سلمان خان نے اپنی سپرہٹ فلم بجرنگی بھائی جان کی ریلیز کو 10 سال مکمل ہونے پر فلم کے سیٹ سے یادگار اور غیر دیکھی تصاویر مداحوں کے ساتھ شیئر کیں۔
فلم کی دہائی مکمل ہونے پر سلمان خان نے انسٹاگرام پر ایک جذباتی پوسٹ شیئر کی، جس میں انہوں نے ساتھی اداکاروں کو ٹیگ کرتے ہوئے پرانی یادوں کو تازہ کیا۔ تصاویر میں انہیں ننھی اداکارہ ہرشالی ملہوترا کو کندھوں پر اٹھائے، کرینہ کپور اور ہدایتکار کبیر خان کے ساتھ دہلی کے تاریخی لال قلعے کے باہر، اور شوٹنگ کے دوران گفتگو کرتے ہوئے دیکھا جا سکتا ہے۔
https://www.instagram.com/p/DMNroIkoUpX/?img_index=1
مداحوں نے تصاویر پر محبت بھرے تبصرے کرتے ہوئے فلم کو خراج تحسین پیش کیا، اور ایک بار پھر “بجرنگی بھائی جان 2” کے انتظار کا اظہار کیا۔
یاد رہے کہ اس فلم میں سلمان خان کے ہمراہ نوازالدین صدیقی، اوم پوری اور راجیش شرما نے بھی شاندار اداکاری کے جوہر دکھائے تھے۔ ہدایتکار کبیر خان نے حالیہ انٹرویو میں اشارہ دیا ہے کہ سیکوئل پر سنجیدگی سے غور جاری ہے اور سلمان خان کے ساتھ اس پر بات چیت ہو رہی ہے۔
