علیگڑھ انسٹی ٹیوٹ آف ٹیکنالوجی
علیگڑھ انسٹی ٹیوٹ آف ٹیکنالوجی میں طلباء کے بنائے ہوئے پروجیکٹس کی نمائش
کراچی، 17/جولائی 2025۔۔ علی گڑھ انسٹی ٹیوٹ آف ٹیکنالوجی کے زیرِ اہتمام ”پروجیکٹ ایگزیبیشن (DAE) 2025” کی اختتامی تقریب کا انعقاد کیا گیا جس میں 10 شعبہ جات میں ڈپلومہ آف ایسوسی ایٹ انجینئر پروگرام (DAE) میں داخلہ لینے والے 1000 طلباء کے تیار کردہ 305 پروجیکٹس نمائش کے لیے رکھے گئے جو دورِ جدید کی تکنیکی مہارتوں کی عکاسی کررہے تھے۔ تقریب کے مہمان خصوصی سر سید یونیورسٹی آف انجینئرنگ اینڈ ٹیکنالوجی کے چانسلر اور AIT کی گورننگ باڈی کے چیئرمین محمد اکبر علی خان تھے۔
تقریب کے شرکاء میں مسز ارم اکبر علی خان، AIT کے کنوینئر، محسن کاظم، ریسرچ جرنل اینڈ نیوز لیٹرکے کنوینر، مسعود عالم، لٹریری آرٹ اینڈ کلچر فورم کے کنوینرطارق سبزواری، ڈاکٹر کاشف شیخ سمیت علماء یونیورسٹی کے وائس چانسلر منصور الز ظفر داؤد ودیگرشامل تھے۔
سرسید یونیورسٹی کے چانسلر اور AIT کی گورننگ باڈی کے چیئرمین محمد اکبر خان نے طالب علموں کے اختراعی ہنر اور عزم کو سراہا اور طلباء کے بنائے ہوئے پروجیکٹس کو منفرد ا ور متاثر کن قرار دیا۔۔ اس موقع پر ان کا کہنا تھا کہ طلباء کو اپنی صلاحیتوں اور مہارتوں کے اظہار کے لیے ایسے مواقع فراہم کئے جانے چاہئیں۔۔یہ نمائش علی گڑھ انسٹی ٹیوٹ آف سائنس اینڈ ٹیکنالوجی کے طلباء کی تخلیقی صلاحیتوں، ہنر اور محنت کو صحیح معنوں میں اجاگر کرتی ہے اور انھیں آنے والے پیشہ ورانہ چیلنجز سے نمٹنے کی مہارت سے بھی لیس کرتی ہے۔چانسلر اکبر علی خان نے امید ظاہر کی کہ سیکھنے اور کامیابیاں حاصل کرنے کا یہ سفر آنے والے سالوں میں بھی فروغ پاتا رہے گا۔
اس موقع پر اے آئی ٹی کے پرنسپل شاہد جمیل نے انسٹی ٹیوٹ سے متعلق ایک شاندار پریزنٹیشن دی جبکہ وائس پرنسپل محمد ریحان نے اظہارِ تشکر پیش کیا۔اختتام ِ تقریب پر ہر شعبہ میں پہلی، دوسری اور تیسری پوزیشن حاصل کرنے والے طلباء کو شیلڈز اور اسنادسے نوازا گیا۔
عبدالحامد دکنی
ڈپٹی ڈائریکٹر انفارمیشن
کیپشن: (بائیں سے دائیں) علیگڑھ انسٹی ٹیوٹ آف ٹیکنالوجی کے کنوینئرمحسن کاظم، سرسید یونیورسٹی کے چانسلر محمد اکبر علی خان کو علیگڑھ انسٹی ٹیوٹ کا سوونیئر پیش کررہے ہیں۔ان کے ہمراہ محترمہ ارم اکبر علی خان اور شاہد جمیل بھی موجود ہیں۔
