برطانوی ویب سیریز ایڈولیسنس میں شاندار اداکاری سے سب کو حیران کرنے والے 15 سالہ اوون کوپر نے ایمی ایوارڈز کی تاریخ میں نیا باب رقم کر دیا۔ وہ اس معتبر اعزاز کے لیے نامزد ہونے والے سب سے کم عمر اداکار بن گئے ہیں۔
77
ویں پرائم ٹائم ایمی ایوارڈز 14 ستمبر 2025 کو ٹی وی چینل سی بی ایس پر براہ راست نشر کیے جائیں گے۔ اس تقریب کی میزبانی مشہور کامیڈین نیٹ بارگاٹزے کریں گے، جو خود بھی اپنے شو یور فرینڈ، نیٹ بارگاٹزے کے لیے نامزد ہوئے ہیں۔
اوون کوپر کی یہ پہلا اداکاری تجربہ تھا، لیکن ان کی پرفارمنس نے ناقدین، شائقین اور سینئر اداکاروں کو بھی حیرت میں ڈال دیا۔ کئی مشہور فنکاروں نے ان کے فن کی تعریف کرتے ہوئے کہا کہ اوون کا مستقبل روشن ہے۔
ایڈولیسنس دراصل ایک نفسیاتی جرم پر مبنی ڈرامہ سیریز ہے، جس کی کہانی ایک 13 سالہ بچے پر مرکوز ہے جو بعد میں جرم کا مرتکب ثابت ہوتا ہے۔ یہ سیریز ایک سچے واقعے سے متاثر ہو کر بنائی گئی ہے، جسے ڈرامائی انداز میں پیش کیا گیا ہے۔ اس سیریز کی تخلیق جیک تھرون اور اسٹیفن گراہم کے ذہنوں کی پیداوار ہے۔
ایمی ایوارڈز 2025 میں جہاں کم عمر اوون کوپر نے سب کو حیران کیا، وہیں ہالی وڈ کے سینئر اداکار ہیریسن فورڈ نے بھی اپنی پہلی ایمی نامزدگی حاصل کی۔ 83 سالہ اداکار کو سیٹ کام شَرِنکنگ میں معاون کردار کے لیے نامزد کیا گیا، جس سے یہ ایوارڈز تجربہ اور جوان صلاحیتوں کا حسین امتزاج بن گئے ہیں۔
