رپورٹ محمد عاشق پٹھان نوڈیرو کے قریب تھانہ کیٹی ممتاز تھانے کی حدود کچے کے گاؤں آگانی میں ڈاکوؤں اور جرائم پیشہ افراد کے ساتھ مقابلے میں شہید ہونے والے پولیس جوان محمد رمضان جروار کی نماز جنازہ پورے سرکاری اعزاز کے ساتھ پولیس ہیڈکوارٹر لاڑکانہ میں ادا کردی گئی، نماز جنازہ میں نماز جنازہ میں ڈی آئی جی لاڑکانہ ناصر آفتاب، ایس ایس پی لاڑکانہ احمد فیصل چودھری، ڈپٹی کمشنر لاڑکانہ ڈاکٹر شرجیل نور چنہ، ایس پی انویسٹیگیشن فلائیٹ لیفٹیننٹ ریٹائرڈ محمد علی، رینجرز کے ڈی ایس آرز، ضلع بھر کے ڈی ایس پیز، سول سوسائٹی کے رہنماؤں، تمام مکتبہ فکر سے تعلق رکھنے والے افراد، شہید کے ورثاء اور عام شہریوں سمیت بڑی تعداد میں پولیس افسران اور جوانوں نے شرکت کی، اس موقع پر وزیر داخلہ سندھ ضیاء الحسن لنجار،
آئی جی سندھ غلام النبی میمن، ڈی جی رینجرز سندھ، ڈی آئی جی لاڑکانہ ناصر آفتاب، ایس ایس پی لاڑکانہ احمد فیصل چودھری کی جانب سے شہید کے جسد خاکی پر پھول چڑھائے گئے اور شہید کو خراج تحسین پیش کیا گیا، ڈی آئی جی لاڑکانہ نے اپنے پیغام میں کہا کہ سندہ پولیس کے تمام افسر و جوان امن و امان کی بحالی کی خاطر سیسہ پلائی دیوار کی مانند کھڑے ہیں، ہمیں اپنے شہداء پر ناز ہے، قیام امن کے لیے ہم کسی قربانی سے دریغ نہیں کرینگے، ایس ایس پی لاڑکانہ نے شہید کے ورثاء سے گفتگو کرتے ہوئے شہید کی خدمات کو سراہا اور ان کی مغفرت کے لیے دعا کی اور میڈیا کے نمائندوں سے گفتگو کرتے ہوئے کہا کہ قیام امن کے لیے اپنی قیمتی جانوں کے نذرانے پیش کرنے والے بہادر پولیس افسران اور جوان محکمہ پولیس کا ناز اور ماتھے کا جھومر ہیں، قیام امن کے لیے پولیس افسران اور جوانوں کی دی جانے والی قربانیاں رائیگاں نہیں جانے دیں گے، واضع رہے کہ شہید پولیس جوان محمد رمضان جروار 25 مئی 1988 پر لاڑکانہ ضلع کے گاؤں خانواہ جروار میں پیدا ہوئے، شہید پولیس جوان نے 9 مئی 2009 کے دوران سندھ پولیس میں بطور کانسٹیبل شمولیت اختیار کی اور 15 جولائی پر تھانہ کیٹی ممتاز کی حدود آگانی والے علاقے میں قیام امن کے لیے ڈاکوؤں سے جوان مردی کے ساتھ لڑتے ہوئے جام شہادت نوش کی۔
