ویوو نے اپنی ایکس سیریز کا پہلا جدید کمپیکٹ ٹیلی فوٹو فلیگ شپ موبائل ایف ای ایکس دو سو پاکستان میں متعارف کرا دیا ہے۔ اس فون کے آنے سے موبائل کی صنعت میں ایک نئے دور کا آغاز ہو رہا ہے، جس میں صارفین کو چھوٹے سائز کے فون میں بھی بہترین اور اعلیٰ معیار کی کارکردگی میسر ہو گی۔ اس نئے فون میں زائس کا سو گنا زوم، شاندار تصویر کشی، جدید فیچرز اور خوبصورت رنگ صارفین کی توجہ کا مرکز ہیں۔
پاکستانی مارکیٹ میں اس موبائل کی قیمت دو لاکھ انیس ہزار نو سو ننانوے روپے رکھی گئی ہے۔
ویوو ایف ای ایکس دو سو میں زائس کا سو گنا ٹیلی فوٹو زوم موجود ہے جو جدید آپٹکس، ذہین مصنوعی ذہانت اور مختلف فوٹو موڈز کو ملا کر پروفیشنل اور عام صارفین دونوں کے لیے فائدہ مند ہے۔ اس میں شامل نیا اسٹیج موڈ لائیو مناظر کو قدرتی انداز میں محفوظ کرنے میں مدد دیتا ہے۔
اس فون میں سونی آئی ایم ایکس آٹھ سو بیاسی الٹرا سینسیٹو سینسر لگا ہے جس کی بدولت ہر تصویر میں بہترین تفصیل دکھائی دیتی ہے۔
پورٹریٹ تصاویر لینے کے لیے اس فون میں کمال کی ملٹی فوکل پورٹریٹ خصوصیات دی گئی ہیں۔ ساتھ ہی لائیو فوٹو فارمیٹ کی وجہ سے آئی فون کی لائیو فوٹوز کے ساتھ ہم آہنگی بھی ممکن ہو گئی ہے۔ زائس کے تاریخی لینس اسٹائلز کو سات بوکے ایفیکٹس اور سینیمیٹک فلئیر رینڈرنگ کے ذریعے پھر سے پیش کیا گیا ہے۔ اس کے علاوہ اس فون میں اسٹریٹ فوٹوگرافی موڈ بھی ہے جس کو اسکرین بند ہونے کی حالت میں والیوم ڈاؤن بٹن کو دو بار دباکر فوری کھولا جا سکتا ہے۔
اس کے ساتھ ساتھ مصنوعی ذہانت پر مبنی امیج اسٹوڈیو بھی شامل ہے، جس میں جادوئی حرکت، تصویر کو بڑھانے اور عکس مٹانے جیسے فیچرز شامل ہیں، جو آپ کی تصاویر اور ویڈیوز کو مزید دلکش بناتے ہیں۔
ویوو ایف ای ایکس دو سو میں پتلا ڈیزائن ہونے کے باوجود طاقتور کارکردگی دی گئی ہے۔ اس میں چھ ہزار پانچ سو ایم اے ایچ کی بڑی بیٹری اور نوے واٹ فاسٹ چارجنگ ٹیکنالوجی موجود ہے، جس سے فون کم وقت میں چارج ہو جاتا ہے اور دیر تک استعمال کیا جا سکتا ہے۔ ایک بار مکمل چارج ہونے کے بعد تقریباً نو گھنٹے پینتالیس منٹ گیم کھیلا جا سکتا ہے، پچیس گھنٹے یوٹیوب ویڈیوز دیکھی جا سکتی ہیں اور تقریباً پینتالیس گھنٹے کالز کی جا سکتی ہیں۔
اس فون میں میڈیاتیِک ڈائمینسٹی نوسو تین سو پلس فلیگ شپ چپ سیٹ دی گئی ہے جو آسانی سے بڑی فائلیں اور ایپلیکیشنز چلا سکتی ہے۔ دیگر اہم فیچرز میں ڈوئل اسپیکر، این ایف سی اور انفراریڈ ریموٹ کنٹرول شامل ہیں۔
یہ فون خوبصورت نیلے اور کالے رنگوں میں دستیاب ہے۔ ایرو اسپیس گریڈ ایلومینیم کا فریم اسے مضبوط اور ہلکا بناتا ہے۔ اس کے علاوہ آئی پی اڑسٹھ اور آئی پی انہتر واٹر اینڈ ڈسٹ پروف، ٹرپل پروٹیکشن ایس جی ایس اور فوجی معیار کی سند اس فون کو روزمرہ استعمال اور بیرونی سرگرمیوں کے لیے بہترین بناتے ہیں۔
ویوو ایف ای ایکس دو سو پاکستان بھر میں پانچ سو بارہ جی بی اسٹوریج ویریئنٹ میں دو لاکھ انیس ہزار نو سو ننانوے روپے میں دستیاب ہوگا۔ اس کی بکنگ پندرہ جولائی سے شروع ہو گی جبکہ بائیس جولائی سے فروخت شروع ہو گی۔ خریداروں کو ایک سال کی وارنٹی، پندرہ دن کی مفت تبدیلی کی سہولت اور ایکسیسریز پر چھ ماہ کی وارنٹی ملے گی۔ یہ فون پی ٹی اے سے منظور شدہ ہے اور پاکستان کے تمام نیٹ ورکس کے ساتھ مکمل مطابقت رکھتا ہے۔ مزید یہ کہ زونگ فور جی کے صارفین پہلی سم کارڈ سلاٹ میں اپنی سم ڈال کر چھ مہینے تک ہر ماہ دو جی بی یعنی کل بارہ جی بی مفت انٹرنیٹ حاصل کر سکتے ہیں۔
