دلجیت دوسانجھ اور ہانیہ عامر کا اشتراک زبردست کامیابی بن گیا! بھارت میں پابندی کے باوجود ہارر کامیڈی فلم سردار جی 3 نے اوورسیز باکس آفس پر شاندار سنگ میل عبور کر لیا ہے۔ یہ اعزاز حاصل کرنے والی یہ صرف دوسری پنجابی فلم ہے۔
تازہ ترین باکس آفس اپڈیٹ کے مطابق ریلیز کے پندرہویں دن سردار جی 3 نے بین الاقوامی سطح پر 50 کروڑ کا ہندسہ عبور کر لیا ہے۔ رپورٹس کے مطابق فلم نے جمعہ کے دن 1 لاکھ 75 ہزار امریکی ڈالر کمائے جس کے بعد فلم کی مجموعی کمائی 60 لاکھ ڈالر (تقریباً 51 کروڑ بھارتی روپے) تک پہنچ گئی۔
دلجیت دوسانجھ کی فلم جٹ اینڈ جولیئٹ 3 وہ پہلی پنجابی فلم تھی جس نے اوورسیز میں 50 کروڑ سے زیادہ کمائی کی تھی۔ اب سردار جی 3 نے بھی یہ سنگ میل عبور کر لیا ہے اور اس دوران اس نے کیری آن جٹا 3 کو بھی پیچھے چھوڑ دیا ہے جس کی اوورسیز کمائی 46 کروڑ تھی۔
