اس شہر میں سب لوگ ایک ہی عمارت میں کیوں رہتے ہیں؟ دنیا کا سب سے عجیب شہر: وائٹیئر/الاسکا


اس شہر میں سب لوگ ایک ہی عمارت میں کیوں رہتے ہیں؟ دنیا کا سب سے عجیب شہر: وائٹیئر/الاسکا

اس شہر میں سب لوگ ایک ہی عمارت میں کیوں رہتے ہیں؟ دنیا کا سب سے عجیب شہر: وائٹیئر/الاسکا
====================

میرے بیٹے یا میرا اداکارہ حمیرا اصغر سے کبھی تعلق نہیں رہا،حکیم سجاد
میرے بیٹے یا میرا اداکارہ حمیرا اصغر سے کبھی تعلق نہیں رہا،حکیم سجاد
میرپورخاص(نامہ نگار) کراچی میں پراسرار طور پر جاں بحق ہونے والی اداکارہ و ماڈل حمیرا اصغر کا معاملہ میرپورخاص تک پہنچ گیا۔

محکمہ صحت سندھ کے ڈپٹی ڈائریکٹر طب حکیم سجاد حسین نے کہا ہے کہ انکا اور ان کے بیٹے کا اداکارہ سے کبھی کوئی تعلق نہیں رہا، سوشل میڈیا پر الزامات لگانے والوں کے خلاف قانونی کارروائی کی جائے گی۔

ان خیالات کا اظہار انہوں نے اپنے وکلاء کے ہمراہ میرپورخاص پریس کلب میں پریس کانفرنس سے خطاب کرتے ہوئے کیا۔

انہوں نے کہا کہ کراچی میں پراسرار طور پر جاں بحق ہونے والی اداکارہ و ماڈل حمیرا اصغر کی لاش فلیٹ سے ملنے کے بعد سوشل میڈیا پر ایک درخواست وائرل ہوئی جس میں میرے بیٹے ڈاکٹر سیرم اور مجھ پر قتل میں ملوث ہونے کا الزام لگایا جا رہا ہے۔
===================

اٹلی نے تاریخ رقم کردی، پہلی مرتبہ ٹی ٹوئنٹی ورلڈکپ کیلئے کوالیفائی کرلیا

اٹلی نے تاریخ رقم کردی، پہلی مرتبہ ٹی ٹوئنٹی ورلڈکپ کیلئے کوالیفائی کرلیا
اٹلی نے پہلی بار انٹرنیشنل کرکٹ کونسل (آئی سی سی) ٹی ٹوئنٹی ورلڈکپ کے لیے کوالیفائی کرلیا۔

اس کے علاوہ نیدرلینڈز نے بھی 2026 میں منعقد ہونے والے ٹی ٹوئنٹی ورلڈکپ کے لیے کوالیفائی کیا ہے۔

اٹلی نے یورپ کوالیفائر 2025 ایونٹ میں گرنزی اور اسکاٹ لینڈ کے خلاف جیت کے ذریعے یہ کامیابی حاصل کی۔

ٹی ٹوئنٹی ورلڈ کپ 2026 میں مجموعی طور پر 20 ٹیمیں شرکت کریں گی۔

میزبان بھارت، سری لنکا، افغانستان، آسٹریلیا، بنگلادیش، انگلینڈ، جنوبی افریقہ، ویسٹ انڈیز، امریکا اور نیوزی لینڈ گزشتہ ورلڈ کپ کے سپر ایٹ مرحلے میں پہنچنے کے باعث پہلے ہی کوالیفائی کرچکے ہیں۔

دوسری جانب پاکستان، نیوزی لینڈ اور آئرلینڈ نے اپنی ٹی ٹوئنٹی انٹرنیشنل رینکنگ کی بنیاد پر براہ راست ایونٹ کے لیے کوالیفائی کیا ہے۔

اب ٹی ٹوئنٹی ورلڈ کپ 2026 کے لیے باقی 6 ٹیموں کا فیصلہ ریجنل کوالیفائرز کے ذریعے ہوگا جن میں افریقہ سے 2، امریکا سے ایک اور ایشیا/ایسٹ ایشیا پیسیفک خطے سے 3 ٹیمیں شامل ہوں گی۔