مقفل کمرہ، خاموش موت: کیا حمیرا اصغر علی کو قتل کیا گیا؟
مقفل کمرہ، خاموش موت: کیا حمیرا اصغر علی کو قتل کیا گیا؟
Locked Room, Silent Death: Was Humaira Asghar Ali Murdered?
حمیرا اصغر کی صرف کھال اور ہڈیاں رہ گئیں تھیں، سرجن سمعیہ طارق
آج کا اخباراہم خبریں12 جولائی ، 2025
حمیرا اصغر کی صرف کھال اور ہڈیاں رہ گئیں تھیں، سرجن سمعیہ طارق
کراچی (ٹی وی رپورٹ) اداکارہ حمیرا اصغر کی ابتدائی پوسٹ مارٹم رپورٹ سے متعلق جیونیوز کی خصوصی نشریات میں گفتگو کرتے ہوئے سینئر پولیس سرجن ڈاکٹر سمعیہ طارق نے کہا ہےکہ حمیرا اصغر کی باڈی بہت زیادہ ڈی کمپوز تھی صرف کھال اور ہڈیاں رہ گئیں تھیں،ڈی آئی جی سائوتھ اسد رضا نے کہا کہ اگر کوئی ایکسپرٹس ہمیں مشورہ دینا چاہتے ہیں تو بالکل دیں ابھی تک کوئی ایساشخص سامنے نہیں آیا ہے جو حادثہ سے متعلق کوئی با معنی بات بتا سکے،ماہر نفسیات ڈاکٹر اقبال آفریدی نے کہا کہ ایک رپورٹ کے مطابق پچھلے سال تقریباً نو لاکھ افراد تنہائی کی وجہ سے انتقال کرگئے ہیں،سینئر پولیس سرجن ڈاکٹر سمعیہ طارق نے کہا کہ ابتدائی رپورٹ کے مطابق باڈی بہت زیادہ ڈی کمپوز تھی صرف کھال اور ہڈیاں رہ گئیں تھیں ہم نے کچھ نمونے جمع کر کے IAC آئی سی سی بی ایس یونیورسٹی آف کراچی بھیجے ہیں کیمیکل تجزیہ کے بعد مزید بات واضح ہوگی۔
اداکارہ حمیرا اصغر لاہور میں سپردِ خاک
کراچی کے علاقے ڈیفنس کے فلیٹ میں مردہ حالت میں ملنے والی ماڈل و اداکارہ حمیرا اصغر کو لاہور میں نمازِ جنازہ کی ادائیگی کے بعد سپردِ خاک کر دیا گیا۔
ماڈل و اداکارہ حمیرا اصغر کی تدفین لاہور کے پنڈی راجپوتاں قبرستان میں کی گئی۔
واضح رہے کہ 8 جولائی کو اداکارہ حمیرا اصغر کی لاش کراچی کے علاقے ڈیفنس فیز 6 میں ایک فلیٹ سے ملی تھی، وہ گزشتہ 7 سال سے اس کرائے کے فلیٹ میں مقیم تھیں، اداکارہ 2018ء میں لاہور سے کراچی منتقل ہوئی تھیں۔
حمیرا کو مالی طور پر کوئی پریشانی نہیں تھی: نوید اصغر
حمیرا اصغر فلیٹ میں 7 سال سے اکیلی رہ رہی تھیں، 2018ء میں فلیٹ کرائے پر لیا تھا اور وہ 2024ء سے کرایہ نہیں دے رہی تھیں، کلفٹن کنٹونمنٹ بورڈ میں مالک مکان نے کیس کیا تھا، بیلف آیا تو دروازہ بند تھا، دروازہ نہ کھلنے پر توڑا گیا تو کمرے میں زمین پر خاتون کی لاش پڑی تھی۔
پوسٹ مارٹم رپورٹ کے مطابق اداکارہ کی لاش 8 سے 10 ماہ پرانی تھی، ان کے جسم کی کوئی ہڈی ٹوٹی ہوئی نہیں پائی گئی تھی، اداکارہ کے بال اور شرٹ کے ٹکڑے کیمیائی معائنے کے لیے بھیجے گئے تھے جبکہ نچلے حصے کا گوشت مکمل طور پر ختم ہو چکا تھا، رپورٹ میں یہ بات سامنے آئی تھی کہ لاش ڈی کمپوز کے بالکل آخری اسٹیج پر تھی، لاش میں کیڑے بھی پڑ چکے تھے۔
گزشتہ روز حمیرا صغر کے بھائی نوید اصغر اور دیگر رشتے دار کراچی میں سماجی ادارے کے سرد خانے سے ان کی میت وصول کر کے گزشتہ روز ہی لاہور لے گئے تھے۔
ہمیں کراچی میں حمیرا کے گھر کا پتا نہیں تھا، چچا کا بیان
کراچی کے علاقے ڈیفنس فیز 6 کے فلیٹ سے مردہ حالت میں ملنے والی اداکارہ حمیرا اصغر کے چچا محمد علی کا کہنا ہے کہ ہمیں کراچی میں حمیرا اصغر کے گھر کا پتا نہیں تھا۔
لاہور میں حمیرا اصغر علی کے چچا محمد علی نے میڈیا سے گفتگو کرتے ہوئے کہا کہ ہمارا فون پر رابطہ ہوتا تھا جب بھی لاہور آتی تو گھر ضرور آتی تھی، ہمیں کراچی میں حمیرا اصغر کے گھر کا نہیں پتا تھا۔
چچا محمد علی نے کہا کہ فون بند ہونے پر حمیرا سے کوئی رابطہ نہ کر سکے، حمیرا اصغر شوبز میں کام کرنا چاہتی تھی وہاں خوش تھی، حمیرا کے والدین اس فیصلے سے خوش نہیں تھے۔
حمیرا کے چچا نے کہا کہ میری بہن کا انتقال ہوگیا تھا ہم اس غم میں تھے، حمیرا پڑھی لکھی تھی 2018 میں کراچی شفٹ ہوئی، حمیرا پینٹنگز بناتی تھی اور اپنے کام میں خوش رہتی تھی۔
اداکارہ حمیرا اصغر کا بھائی بہن کی میت لے کر لاہور روانہ ہوگیا
خیال رہے کہ حمیرا اصغر کی میت ان کے اہلخانہ نے گزشتہ روز کراچی سے وصول کی تھی، جس کے بعد وہ مرحومہ کی میت لیکر لاہور روانہ ہوگئے تھے۔
اداکارہ حمیرا کے چھوٹے بھائی نوید اصغر نے میڈیا سے گفتگو کرتے ہوئے کہا تھا کہ حمیرا میری چھوٹی بہن تھی، لاش اگر پولیس کی کسٹڈی میں ہو تو قانونی تقاضے مکمل کرنے پڑتے ہیں۔
نوید اصغر کا کہنا تھا کہ ہم تین دن سے فلاحی ادارے اور پولیس سے رابطے میں تھے، ہم نے اب اپنی بہن حمیرا کی باڈی وصول کرلی ہے۔
واضح رہے کہ 8 جولائی کو اداکارہ حمیرا اصغر کی لاش کراچی کے علاقے ڈیفنس فیز 6 میں ایک فلیٹ سے ملی، وہ گزشتہ 7 سال سے اس کرائے کے فلیٹ میں مقیم تھیں، اداکارہ 2018ء میں لاہور سے کراچی منتقل ہوئی تھیں۔
ایس ایس پی ساؤتھ مہزور علی کے مطابق خاتون فلیٹ میں 7 سال سے اکیلی رہ رہی تھیں، 2018ء میں فلیٹ کرائے پر لیا تھا اور وہ 2024ء سے کرایہ نہیں دے رہی تھیں۔
کلفٹن کنٹونمنٹ بورڈ میں مالک مکان نے کیس کیا تھا، بیلف آیا تو دروازہ بند تھا، دروازہ نہ کھلنے پر توڑا گیا تو کمرے میں زمین پر خاتون کی لاش پڑی تھی۔
