حال ہی میں اداکارہ نتاشا علی ایک نجی ٹی وی شو میں بطور مہمان شریک ہوئیں، جہاں انہوں نے مختلف موضوعات پر اپنی رائے کا اظہار کیا۔
پروگرام کے دوران ایک سیگمنٹ میں ان سے کہا گیا کہ وہ شوبز انڈسٹری کی معروف اداکاراؤں کی اداکاری کو نمبرز دیں۔
نتاشا علی نے ہانیہ عامر کو بہترین اداکارہ قرار دیتے ہوئے انہیں پورے 10 میں سے 10 نمبرز دیے اور کہا کہ اس وقت ان کا وقت چل رہا ہے۔
اسی فہرست میں ماہرہ خان کو 9، عائزہ خان کو 8، اقرا عزیز اور مہوش حیات کو 7، جبکہ عائشہ عمر اور حریم فاروق کو 6 نمبر دیے۔ ثروت گیلانی کو انہوں نے 5 نمبرز دیے۔
جب ان سے حرا مانی کے بارے میں پوچھا گیا تو نتاشا علی نے کہا کہ پہلے وہ حرا کو زیادہ نمبر دیتی تھیں مگر اب ان کے نمبرز کم ہوگئے ہیں اور اب وہ انہیں 10 میں سے 5 نمبرز دیں گی۔
انہوں نے اس کی وجہ بتاتے ہوئے کہا کہ حرا مانی کا رویہ پہلے جیسا مہذب اور شائستہ نہیں رہا، اب جو کردار یا انداز وہ اپنائے بیٹھی ہیں، وہ لوگوں کو زیادہ پسند نہیں آ رہا۔
پروگرام کے آخر میں جب نتاشا علی سے کہا گیا کہ وہ اپنی اداکاری کو بھی نمبرز دیں تو انہوں نے خود کو 10 میں سے 6 نمبر دیے۔
