وزارت غذائی تحفظ نے کہا ہے کہ چینی کی قیمتوں میں کمی کےلیے پانچ لاکھ ٹن چینی امپورٹ کرنے کا عمل شروع کردیا گیا ہے۔
وزارت غذائی تحفظ کے اعلامیے کے مطابق چینی کی امپورٹ حکومتی شعبے کے ذریعے کی جا رہی ہے۔
اعلامیے میں کہا گیا کہ چینی کی قیمتوں میں توازن برقرار رکھنے کے لئے یہ اقدام اٹھایا گیا ہے۔
چینی کی امپورٹ ماضی سے مختلف بہتر حکمت عملی سے کی جارہی ہے۔
کوئٹہ: چینی کی قیمت میں 5 روپے کا اضافہ
وزارت غذائی تحفظ نے اپنے اعلامیے میں یہ وضاحت بھی کی کہ جب حکومت نے چینی ایکسپورٹ کرنے کا فیصلہ کیا، اس وقت ملک میں چینی وافر مقدار میں دستیاب تھی اور اب چینی کی قیمتوں میں استحکام کے لئے چینی امپورٹ کی جا رہی ہے
==================
پاکستان اسٹاک ایکسچینج:1 لاکھ 34 ہزار کی حد عبور
تازہ ترینتجارتی خبریں08 جولائی ، 2025
پاکستان اسٹاک ایکسچینج (پی ایس ایکس) میں کاروباری ہفتے کے دوسرے روز اتار چڑھاؤ دیکھا گیا، کاروبار کے دوران 100 انڈیکس نے ایک لاکھ 34 ہزار کی حد کو بھی عبور کیا۔
اسٹاک مارکیٹ میں نئی تاریخ رقم، 100 انڈیکس ایک لاکھ 33 ہزار کی حد عبور کرگیا
بازار حصص کے 100 انڈیکس میں 33 پوائنٹس کا اضافہ ہوا جس کے بعد انڈیکس ایک لاکھ 33 ہزار 403 پوائنٹس پر بند ہوا۔
کاروبار کے دوران 100 انڈیکس ایک لاکھ 34 ہزار 200 کی بلند ترین سطح پر بھی پہنچا، جبکہ 100 انڈیکس ایک لاکھ 32 ہزار 696 کی نچلی سطح تک بھی گیا تھا۔
گزشتہ روز کاروبار کے اختتام پر 100 انڈیکس ایک لاکھ 33 ہزار 370 پوائنٹس پر بند ہوا تھا۔
