مشہور اداکار اور میزبان فہد مصطفیٰ کی بچپن کی ایک ویڈیو سوشل میڈیا پر خوب گردش کر رہی ہے۔
اس وائرل ویڈیو میں فہد مصطفیٰ کو ایک سندھی ڈرامے میں اداکاری کرتے دیکھا جا سکتا ہے، کیونکہ سندھی ان کی مادری زبان ہے، اس لیے وہ محض سات سے آٹھ سال کی عمر میں بھی اس زبان میں بہترین پرفارمنس دے رہے ہیں۔
سوشل میڈیا صارفین بچپن کی اس ویڈیو میں فہد کے گہرے رنگت اور آج کے روشن اور گورے روپ کا موازنہ کر رہے ہیں۔ کئی لوگوں کا خیال ہے کہ فہد نے اپنی جلد کی خوبصورتی کے لیے متعدد بیوٹی ٹریٹمنٹس کروائے ہیں۔
فہد مصطفیٰ خود بھی اپنے مشہور شو میں کئی بار یہ تسلیم کر چکے ہیں کہ انہوں نے اپنی ظاہری شکل بہتر بنانے اور جلد کو گورا کرنے کے لیے گلوٹاتھایون کے انجیکشن لگوائے ہیں۔
یہ انجیکشن جلد کی رنگت نکھارنے، قوت مدافعت بڑھانے اور جسم سے زہریلے مادے نکالنے میں مددگار سمجھا جاتا ہے، تاہم کچھ لوگ اسے صحت کے لیے نقصان دہ بھی تصور کرتے ہیں۔
