بھارت میں مسلمانوں نے ایک نئی اسلام دشمن فلم کی ریلیز روکنے کا مطالبہ کیا ہے۔
بی جے پی رہنما امت جانی کی پشت پناہی سے بننے والی فلم ’ادھے پور فائلز‘ کا حال ہی میں ٹریلر جاری کیا گیا ہے۔
اس فلم کے ٹریلر میں کھلے عام مسلمانوں کے خلاف نفرت کو ہوا دی گئی ہے اور ایسے کردار دکھائے گئے ہیں جو دین اسلام، اس کے بنیادی عقائد، مساجد اور معروف مسلم شخصیات کے خلاف زہر اُگلتے نظر آتے ہیں۔
کہانی کا مرکز راجستھان کے شہر ادھے پور میں پیش آنے والا کنہیا لال نامی درزی کا قتل ہے جسے فلم میں مسلمانوں کی ایک منظم دہشت گردانہ سازش کے طور پر دکھایا گیا ہے۔
یہ فلم بھارت ایس شرانتے نے ڈائریکٹ کی ہے اور اس میں پاکستان کے خلاف بھی پراپیگنڈا شامل کیا گیا ہے۔
ٹر یلر ریلیز ہونے کے بعد بھارتی سوشل میڈیا پر کئی انفلوئنسرز، سیاسی رہنما اور سماجی حلقے اس فلم کو کھلی اسلام دشمنی قرار دیتے ہوئے اس پر فوری پابندی لگانے کا مطالبہ کر رہے ہیں۔
