پنجابی فلم سر دار جی 3 نے سنیما گھروں میں ریلیز کے بعد ایک ہفتے کا کامیاب دورانیہ مکمل کر لیا ہے، جس کی سرکاری کمائی سوشل میڈیا پر شیئر کی گئی ہے۔ رپورٹ کے مطابق اس فلم نے بیرونِ ملک سات دن میں 33.6 کروڑ روپے کا شاندار بزنس کیا ہے، جو کہ کسی پنجابی فلم کے لیے بڑی کامیابی ہے۔
مثبت تبصروں اور مداحوں کی پسندیدگی کے باعث یہ ہارر کامیڈی فلم آئندہ چند ہفتے تک مزید شائقین کو اپنی طرف متوجہ کرتی رہے گی۔ اس وقت یہ فلم 50 کروڑ کے سنگِ میل سے صرف 16.4 کروڑ دور ہے، جو کسی پنجابی فلم کے لیے ایک بڑا اعزاز سمجھا جاتا ہے۔ دلجیت دوسانجھ کی یہ فلم جلد ہی یہ ہدف بھی عبور کر لے گی۔
رپورٹس کے مطابق سر دار جی 3 کا بجٹ تقریباً 35 کروڑ روپے ہے، اس لحاظ سے فلم نے اب تک عالمی سطح پر شاندار کمائی کی ہے۔ اگر اسے بھارت میں بھی ریلیز کیا گیا تو امکان ہے کہ یہ فلم عالمی باکس آفس پر 100 کروڑ کا ہدف بھی آسانی سے عبور کر لے گی۔
ہانیہ عامر کے مداحوں اور پاکستانی انٹرٹینمنٹ انڈسٹری کے فینز کے لیے یہ واقعی بڑی خوشی کی خبر ہے کہ ہانیہ کی پہلی بین الاقوامی کولیبریشن اتنی کامیاب ثابت ہوئی ہے۔
