مشہور ہالی وڈ ہدایت کار کوئنٹن ٹیرینٹینو کی فلموں کل بل اور ریزروائر ڈاگز سے شہرت پانے والے امریکی اداکار مائیکل میڈسن 67 برس کی عمر میں انتقال کر گئے۔
اطلاعات کے مطابق مائیکل میڈسن جمعرات کی صبح کیلیفورنیا کے علاقے مالیبو میں اپنے گھر میں بے ہوش پائے گئے۔ لاس اینجلس کاؤنٹی شیرف آفس کے مطابق انہیں صبح 8 بج کر 25 منٹ پر مردہ قرار دیا گیا۔
پولیس کے مطابق ان کی موت کی وجہ دل کا دورہ بنی جبکہ واقعے میں کسی مشکوک عنصر کے شواہد نہیں ملے۔
