باشو ویلی سکردو | جیپ کا کرایہ | جیپ ٹریک مکمل ٹریول روڈ گائیڈ | کامران ولیج Vlogs
باشو ویلی سکردو | جیپ کا کرایہ | جیپ ٹریک مکمل ٹریول روڈ گائیڈ | کامران ولیج Vlogs
Basho Valley Skardu | Jeep Rents | Jeep Track Complete Travel Road Guide | Kamran Village Vlogs
====================
شبھمن گل نے ڈبل سنچری اسکور کرکے کئی ریکارڈز اپنے نام کر لئے
بھارت کرکٹ ٹیم کے ٹیسٹ کپتان شبھمن گل نے انگلینڈ کے خلاف دوسرے ٹیسٹ میچ میں ڈبل سنچری اسکور کرکے کئی ریکارڈز اپنے نام کر لئے۔
پانچ ٹیسٹ میچز کی سیریز پر مشتمل انگلینڈ اور بھارت کے درمیان دوسرا ٹیسٹ میچ برمنگھم میں کھیلا جا رہا ہے، ٹیسٹمیچ کے دوسرے دن بھارتی کپتان شبھمن گل نے پہلی اننگز میں شاندار ڈبل سنچری اسکور کرتے ہوئے 269 رنز بنائے، یہ ان کے ٹیسٹ کیرئیر کی پہلی ڈبل سنچری ہے۔
269 رنز کی اننگز کے ساتھ شبھمن گل نے ٹیسٹ کرکٹ میں سب سے بڑی اننگز کھیلنے والے بھارتی کپتان کا اعزاز حاصل کر لیا، اس سے قبل یہ ریکارڈ ویرات کوہلی کے پاس تھا، 2019 میں انہوں نے بحیثیت کپتان 254 رنز بنانے کا اعزاز حاصل کیا تھا۔
پاکستان نے ایشین یوتھ گرلز نیٹ بال چیمپئن شپ کا فائنل جیت لیا
شاندار 269 رنز بنانے کے ساتھ شبھمن گل انگلینڈ میں ڈبل سنچری بنانے والے پہلے بھارتی کپتان بھی بن گئے ہیں۔ انہوں نے بھارتی کپتان محمد اظہرالدین کی جانب سے سب سے بڑی ٹیسٹ اننگز کا 35 سال پرانا ریکارڈ بھی توڑ دیا محمد اظہر الدین نے 1990 میں مانچسٹر میں 179 رنز بنائے تھے۔
انگلینڈ میں ٹیسٹ میچ کی ایک اننگز میں شبھمن گل سب سے بڑا انفرادی اسکور کرنے والے بھارتی کھلاڑی بھی بن گئے ہیں، انہوں نے سنیل گواسکر کا ریکارڈ توڑا، انہوں نے 1979ء میں اوول کے میدان میں 221 رنز کی اننگز کھیلی تھی۔
انگلینڈ اور بھارت کے درمیان جاری دوسرے ٹیسٹ میچ میں بھارتی ٹیم پہلی اننگز میں 587 رنز بنا کر آؤٹ ہوئی، انگلینڈ نے تین وکٹوں کے نقصان پر 77 رنز بنا لئے ہیں، واضح رہے کہ پہلا ٹیسٹ میچ انگلینڈ نے جیتا تھا۔
