بڑی عید پر فینز کے لیے دو پاکستانی فلمیں کسی ٹریٹ سے کم نہ تھیں۔ ایک طرف ہارر جینر کی فلم دیمک تھی، جس میں لیجنڈری فیصل قریشی شامل تھے، اور دوسری طرف رومانٹک کامیڈی لَو گرو تھی، جس میں ماہرہ خان اور ہمایوں سعید نے اداکاری کے جوہر دکھائے۔
تازہ ترین رپورٹس کے مطابق دونوں فلمیں باکس آفس پر ہِٹ رہیں۔ دیمک نے اب تک پاکستان میں 15 کروڑ روپے ڈومیسٹک کمائے ہیں۔ ایک ہارر جینر کی فلم ہونے کے باوجود، اور لو گرو جیسی بڑی فلم کے ساتھ ریلیز ہونے کے باوجود، یہ کلیکشنز بہت اچھے ہیں۔ عوام اور ناقدین دونوں کو یہ فلم پسند آئی ہے اور دیمک 2 کے بننے کے امکانات بھی نظر آ رہے ہیں۔
وہیں اگر لو گرو کی بات کریں تو اس فلم نے اب تک پاکستان میں 41 کروڑ 23 لاکھ روپے کا بزنس کیا ہے، جبکہ ورلڈ وائڈ کلیکشنز 75 کروڑ روپے سے بھی زیادہ ہو چکے ہیں۔
