پاکستانی ہارر فلم ’دیمک‘ کو ایک اور بڑی کامیابی مل گئی ہے — اس فلم کو شنگھائی تعاون تنظیم
(SCO)
فلم فیسٹیول 2025 میں سرکاری طور پر پیش کرنے کے لیے منتخب کر لیا گیا ہے۔
یہ بین الاقوامی فلمی میلہ 3 سے 7 جولائی 2025 تک چین کے شہر یونگچوان، چونگ چنگ میں منعقد ہوگا۔ اس ایونٹ کی میزبانی چین کر رہا ہے جس کا مقصد خطے کے 10 رکن ممالک اور 2 مبصر ریاستوں کے درمیان فلم اور ثقافت کے تبادلے کو فروغ دینا ہے۔
’دیمک‘ کو اس فیسٹیول میں مختلف علاقائی فلموں کے ساتھ دکھایا جائے گا اور اس دوران فلم اسکریننگز، مقابلے اور انڈسٹری سے متعلق عالمی تعاون کی نشستیں بھی ہوں گی۔
یہ فلمی میلہ چائنا فلم ایڈمنسٹریشن اور چونگ چنگ میونسپل پیپلز گورنمنٹ کے تعاون سے منعقد کیا جا رہا ہے۔
فلم کے ڈائریکٹر رافع راشدی کو خصوصی طور پر فیسٹیول میں شرکت کی دعوت دی گئی ہے۔ انہوں نے کہا کہ ’’یہ اعزاز ہے کہ ’دیمک‘ کو عالمی سطح پر پاکستانی فلم انڈسٹری کی نمائندگی کا موقع ملا۔ جنوبی ایشیائی ہارر اور لوک کہانیوں کو بین الاقوامی سطح پر جو پذیرائی مل رہی ہے وہ اس انتخاب کا منہ بولتا ثبوت ہے۔
