شعیب اختر کا مکمل گیراج ٹور | پچ پر 161 کلومیٹر فی گھنٹہ، سڑک پر LC 300! 🚀
شعیب اختر کا مکمل گیراج ٹور | پچ پر 161 کلومیٹر فی گھنٹہ، سڑک پر LC 300! 🚀
Shoaib Akhtar’s Full Garage Tour | 161 km/h on the Pitch, LC 300 on the Road! 🚀
==========================
نیتھن لیون نے آسٹریلوی ٹیم کے سانگ ماسٹر سے ریٹائرمنٹ لے لی
آسٹریلیا کے اسپنر نیتھن لیون نے انوکھی ریٹائرمنٹ لے لی، انہوں آسٹریلوی ٹیم کے سانگ ماسٹر سے ریٹائرمنٹ لے کر جانشین کی بھی نشاندہی کر دی۔
نیتھن لیون آسٹریلیا کے وکٹری سانگ کو لیڈ کرتے تھے، انہوں نے آسٹریلیا کی ٹیسٹ کرکٹ ٹیم میں جشن کی قیادت کی ذمے داری چھوڑ دی۔
نیتھن لیون کا ٹیسٹ کرکٹ سے ریٹائرمنٹ کا کوئی ارادہ نہیں ہے، انہوں نے جشن منانے کی قیادت ایلکس کیری کو سونپ دی۔
پاکستان میں کھیل کر آسٹریلوی کھلاڑی رول ماڈل بن سکتے ہیں، نیتھن لیون
میچ جیتنے کے بعد آسٹریلوی ٹیم باقاعدہ ایک جشن کرتی ہے جس کی قیادت نیتھن لیون کر رہے تھے۔
اس حوالے سے نیتھن لیون کا کہنا ہے کہ ٹیم کا گانا اور جشن لیڈ کرنا میرے لیے اعزاز کی بات رہی ہے، جشن کی ذمے داری سے سبکدوش ہونے کا مطلب یہ نہیں کہ میں کرکٹ سے ریٹائر ہو رہا ہوں۔
انہوں نے کہا کہ میرے خیال میں ایلکس کیری ایک بہترین امیدوار ہیں، ارادہ تھا کہ اگر آسٹریلیا ورلڈ ٹیسٹ چیمپئن شپ جیتتا تو یہ ذمے داری کسی اور کو دیتا مگر اب ویسٹ انڈیز سیریز میں یہ فیصلہ کیا۔
ان کا کہنا تھا کہ میں نے ہمیشہ کہا ہے کہ میں بھارت اور انگلینڈ میں جیتنا چاہتا ہوں، ابھی ایک اور ورلڈ ٹیسٹ چیمپئن شپ کھیلنے کا ارادہ ہے۔
واضح رہے کہ نیتھن لیون 138 ٹیسٹ میچز میں آسٹریلیا کی نمائندگی کر چکے ہیں، انہوں نے وکٹری سانگ ماسٹر کا کردار 12 برس سے زائد نبھایا، انہوں نے یہ ذمے داری مائیک ہسی سے لی جنہوں نے 67 ٹیسٹ میچز میں لیڈ کیا تھا۔
==================
فون کال لیک ہونے کا معاملہ، تھائی عدالت نے وزیراعظم کو معطل کردیا
تھائی لینڈ کی وزیر اعظم پیتونگاترن شیناوترا کی سابق کمبوڈین وزیراعظم کے ساتھ فون کال لیک ہونے کے معاملے پر آئینی عدالت نے وزیر اعظم کو معطل کر دیا۔
غیر ملکی خبر رساں ادارے کے مطابق 36 سینیٹرز نے تھائی وزیر اعظم کے خلاف درخواست دائر کر رکھی ہے۔
تھائی آئینی عدالت کے مطابق درخواست پر فیصلہ ہونے تک وزیر اعظم عہدے سے معطل رہیں گی۔
تھائی لینڈ: پیتونگاترن شیناوترا سب سے کم عمر وزیراعظم منتخب
تھائی سینیٹرز نے وزیر اعظم پر بےایمانی اور آئینی خلاف ورزی کا الزام عائد کیا ہے۔
گزشتہ ماہ تھائی لینڈ اور کمبوڈیا کی سرحدی فورسز کے درمیان جھڑپ ہوئی تھی۔ واقعے کے بعد تھائی وزیراعظم کی کمبوڈین رہنما سے فون کال میں تھائی فوج پر تنقید کی کال منظر عام پر آئی تھی۔
وزیر اعظم کی معطلی کے بعد نائب وزیر اعظم تھائی لینڈ کے عبوری وزیر اعظم ہوں گے۔
تھائی وزیراعظم نے کہا کہ آئینی عدالت کے فیصلے کو قبول کرتی ہوں، ملک کے لیے 100 فیصد کام کرنے کی کوشش کی، میرے عمل سے عوام کو دکھ پہنچا معافی چاہتی ہوں۔
