گوجرانوالہ میں ناقص کھانا کھانے کا افسوسناک واقعہ پیش آیا، جس میں انٹرنیشنل پہلوان نوید کی دو معصوم بیٹیاں جان کی بازی ہار گئیں۔
تفصیلات کے مطابق نوید پہلوان نے اپنی 7 سالہ بیٹی کی سالگرہ کے موقع پر اہلِ خانہ کے ہمراہ ایک نجی ریسٹورنٹ سے کھانا کھایا۔ کھانے کے کچھ دیر بعد ہی نوید اور ان کے چار بچوں کی طبیعت اچانک خراب ہوگئی، جس پر انہیں فوری طور پر سول اسپتال منتقل کیا گیا۔
اسپتال ذرائع کے مطابق دوران علاج نوید کی دو بیٹیاں، 7 سالہ نور فاطمہ اور 4 سالہ جنت جانبر نہ ہو سکیں اور انتقال کر گئیں۔
غمزدہ نوید کا کہنا ہے کہ یہ ایک بدقسمت اتفاقی واقعہ ہے، اس لیے وہ کسی کے خلاف قانونی کارروائی نہیں کرنا چاہتے۔ اہلِ خانہ نے بھی اس واقعے کو محض حادثہ قرار دیا ہے۔
