جنوبی افریقہ کے نوجوان وکٹ کیپر بیٹر لوآن دری پریٹوریس نے ٹیسٹ کرکٹ میں ڈیبیو کرتے ہی ریکارڈ بُک میں اپنا نام درج کروا دیا اور پاکستان کے لیجنڈری بیٹر جاوید میانداد کا تقریباً نصف صدی پرانا ریکارڈ بھی توڑ ڈالا۔
پریٹوریس نے زمبابوے کے خلاف اپنے پہلے ہی ٹیسٹ میں 19 سال اور 93 دن کی عمر میں 153 رنز کی شاندار اننگز کھیل کر سب کو حیران کر دیا۔ اس سے قبل جاوید میانداد نے 1976 میں نیوزی لینڈ کے خلاف لاہور ٹیسٹ میں 19 سال اور 119 دن کی عمر میں 163 رنز بنا کر سب سے کم عمر ڈیبیو سنچری بنانے والے بیٹر ہونے کا اعزاز حاصل کیا تھا۔
پریٹوریس نے اس کارکردگی سے اپنے ہم وطن عظیم کھلاڑی گریم پولاک کو بھی پیچھے چھوڑ دیا، جنہوں نے 1964 میں 19 سال اور 317 دن کی عمر میں ڈیبیو سنچری اسکور کی تھی۔
اس شاندار کارنامے کے ساتھ پریٹوریس اب اُن کم عمر کھلاڑیوں کی فہرست میں شامل ہو گئے ہیں جن میں پاکستان کے سلیم ملک، بھارت کے پرتھوی شا، زمبابوے کے ہیملٹن مساکاڈزا اور بنگلہ دیش کے محمد اشرفل شامل ہیں۔ وہ ٹیسٹ ڈیبیو پر سنچری بنانے والے پانچویں کم عمر بیٹر بن گئے ہیں۔
ساتھ ہی پریٹوریس جنوبی افریقہ کے لیے ٹیسٹ ڈیبیو پر سنچری بنانے والے ساتویں بیٹر بھی بنے ہیں۔
